Сочен леб Прикажи го рецептот >>

Сочен леб >

Сосотојки:
За тесто: 500 гр. брашно 1 свеж квасец 1 лаж. шеќер 1 лаж. сол 300-330 мл. топла вода За полнење: 100 гр. шунка 100 гр. врат 100 гр. ајдамер 4 варени јајца

Упатства:
Квасецот зафатете го со малку шеќер и брашно и оставете го да 10 минути да стаса. Останатото брашно измешајте го со сол, додадете го квасецот и замесете тесто. Тестото покријте го и оставете го на топло место околу 30-тина минути. Развлечете го тестото и по него распоредете ја шунката, вратот и сирењето. Јајцата ставете ги на крајот од тестото и завиткајте ролат. Ставете го лебот во калап за леб и оставете го да кисне околу 20 минути. Печете во зафреана рерна на 180 - 200 степени. Добар апетит!

Време потребно за подготовка: 90 минути

<< Сокриј го рецептот

Таљатели со пилешко и печурки во сос Прикажи го рецептот >>

Таљатели со пилешко и печурки во сос >

Сосотојки:
Таљатели или тестенини по избор 300 гр пилешко месо 100 гр. печурки бешамел сос (млеко, масло, брашно)

Упатства:
Пилешкото исечете го на мали парчиња и ставете го во тава на малку масло и пропржете го. Додадете зачини по вкус и кога к?е е при крај пилешкото, додадете ги печурките, па додадете 2-3 лажици јогурт или павлака, па пржете дури не испари. Јогуртот или павлаката к?е го омекнат месото уште повек?е и е пре пре вкусноо. Тргнете го месото од тавата и ставете 2 лажици масло/путер и 2 лажици брашно, па постепено со постојано мешање додавајте по малку 2 шолји млеко. Оставете го сосот малку да повари и додадете го месото со печурките и претходно сварените тестенини. Јас користев таљатели, но вие можете и макарони, шпагети или пене. Наместо бешамел, може да ставите само неутрална павлака. Follow martinascooking on Instagram

Време потребно за подготовка: 40 минути

<< Сокриј го рецептот

Тестенини во бел сос  Прикажи го рецептот >>

Тестенини во бел сос  >

Сосотојки:
250 гр. тестенини (макарони, шпагети, кори или тортелини) 200 мл. павлака за готвење (халта) 10г путер 50г свински врат (или сланина, варено или печено пилешко месо) една или две зденки една до две лажици павлака или кисело млеко Сол, бибер

Упатства:
Сварете ги тестенините. Сувомеснатото исецкајте го на коцкички, па малку пропржете го на растопениот путер. За 2-3 минути додајте ја и павлаката за готвење. Смесата треба да вари на тивок оган околу 5 мин. Потоа се додаваат зденките и павлаката. Промешајте на тивок оган 2-3 минути додека се згусне сосот, па потоа во тавата додадете ги сварените тестенини. На крај се посолува и се зачинува со бибер.

Време потребно за подготовка: 60 минути

<< Сокриј го рецептот

Тестенини во рерна со колбаси, домати и моцарела Прикажи го рецептот >>

Тестенини во рерна со колбаси, домати и моцарела >

Сосотојки:
350 гр тестенини 1 лажица маслиново масло 1 лажица масло 1 лажица мелен лук 1 кромид, сецкан ? лажичка сол 350 гр колбаси, сецкани 2 домати, сецкани 2-3 лажици доматно пире 1 лажичка сол 1 лажичка шеќер 125 мл вода 120 гр рендана моцарела или кашкавал 1 лажица сушен босилек

Упатства:
Загрејте ја рерната на 200 степени. Се вари солена вода. Варете ги тестенините не повеќе од 8 минути. Исцедете. Додадете 1 лажица маслиново масло. Префрлете во плех за печење. Загрејте го маслото во тава на висока топлина. Пржете го лукот и кромидот 2-3 минути, мешајќи. Додадете колбас. Промешајте уште 3-4 минути. Додадете домати, доматно пире, сол, шеќер, вода. Мешајте додека не зоврие. Откако ќе зоврие, ставете ги тестенините во тавата. Посипете великодушно со сирење по ваш избор. Префрлете го садот во тавата. Печете уште 15-20 минути во загреана рерна. Послужете ги тестенините попрскани со босилек.

Време потребно за подготовка: 70 минути

<< Сокриј го рецептот

Тестенини со брокула и карфиол  Прикажи го рецептот >>

Тестенини со брокула и карфиол  >

Сосотојки:
250 гр кратки тестенини 400 гр брокула 200 гр карфиол 250 гр рикота или урда 2 - 3 чешниња лук по потреба маслиново масло по потреба сол и бибер За прелив 3 јајца по потреба пармезан по потреба путер и лебни трошки за тавата за печење

Упатства:
Брокулата и карфиолот искинете ги на помали парчиња и ставете ги да се варат во посолена вода некои 5-6 минути. Потоа исцедете ги и оставете ги на страна. Тестенините сварете ги во посолена вода за време означена на паковањето. Потоа исцедете ги. Во тава со 5-6 лажици маслиново масло пропржете го лукчето многу малку, колку да пушти мирис. Додајте ги брокулата и карфиолот и измешајте ги. Тавата тргнете ја од огнот и додајте ги тестенините и рикотата или урдата. Додајте сол и бибер по вкус и змешајте. Рерната вклучете ја да се загрее на 200 степени. Помало плехче намачкајте го со путер и посипете го со лебни трошки. Смесата од тестенини турете ја во плехчето и порамнете ја. Јајцата изматете ги со вилушка со малку сол и прелијте ги над тестенините. Одозгора попрскајте ги со масло. Ставете ги да се запечат 15-20 минути. Послужете ги топли посипани со пармезан.

Време потребно за подготовка: 50 минути

<< Сокриј го рецептот

Тестенини со зеленчук Прикажи го рецептот >>

Тестенини со зеленчук >

Сосотојки:
* 3 лажици маслиново масло * 1 чешне лук * 1 пакетче замрзната мешавина зеленчук * 1 лажичка вегета * бибер * 1 лажица сечкан копар * 100-200 мл павлака за готвење * сол * 300 г тестенини За украсување: * 30 г рендано сирење пармезан

Упатства:
На загреано маслиново масло додадете го сецканиот лук, и замрзнатиот зеленчук и пропржете ги на тивок оган околу 10 минути. Во тавата со зеленчук, додадете вегета, бибер, сецкан копар, павлака и, доколку е потребно, сол. Сварете ги тестенините во солена вода, процедете ги, додадете ги во подготвениот зеленчук и промешајте.

Време потребно за подготовка: 30 минути

<< Сокриј го рецептот

Тестенини со ракчиња, лук и чили Прикажи го рецептот >>

Тестенини со ракчиња, лук и чили >

Сосотојки:
свежи тестенини (направете ги по овој рецепт) + чили пиперче 50 мл маслиново масло 5-6 чешниња лук 250 гр исчистени ракчиња ситно сечкан магдонос

Упатства:
Сварете ги тестенините во солена и врела вода. Во тавче за пржење ставете малку масло да се загрее и додадете го лукот, грубо исечкан. Оставете го само неколку минути и потоа, ставете ги ракчињата. Пропржете ги додека да поцрвенат. Кога ќе поцрвенат, тогаш се готови. На крај, додадете ги тестенините, се убаво измешајте, декорирајте со магдонос и сервирајте.

Време потребно за подготовка: 50 минути

<< Сокриј го рецептот

Тестенини со сос од зеленчук Прикажи го рецептот >>

Тестенини со сос од зеленчук >

Сосотојки:
* 350 г спирални тестенини * 100 г кромид * 50 мл маслиново масло * 2 чешниња лук * 80 г целер * 250 г тиквички * 1 црвена пиперка * 250 г свежи домати * 1-2 лажици вегета * сол * 2 лажици рендано сирење пармезан

Упатства:
Кромидот исечете го на ситни парчиња а исто така и целерот, тиквичките и пиперките. Излупете ги доматите, исчистете ги од семето и исечете на коцки и на загреан путер, пропржете ги заедно со кромидот, пиперките и целерот. Потоа додадете тиквички и вегета. Се кратко пропржете, а потоа полијте го зеленчукот во тавата со вода додека не омекне. Конечно додадете лук. Сварените шпагети додадете ги во тавата со ленчук и добро промешајте. Сервирајте со рендан пармезан.

Време потребно за подготовка: 70 минути

<< Сокриј го рецептот

Тестенини со спанаќ, сушени домати и панцета Прикажи го рецептот >>

Тестенини со спанаќ, сушени домати и панцета >

Сосотојки:
150 гр спанаќ, сечкан на големо 1 пакетче тестенини по избор ? чаша масло или маслиново масло од теглата со суви домати ? чаша кромид, ситно сецкан 3 чешниња лук, истиснати ? лажичка црвен пипер ? лажичка сол ? лажичка црн пипер 1 чаша пилешка супа ? чаша кисела павлака ? Чаша пармезан, рендан 1 лажица путер Неколку парчиња панцета или сланина

Упатства:
Сварете солена вода. Во неа сварете ги тестенините и исцедете ги по 8 до 10 минути. Ставете голема цедалка на мијалникот. Во него ставете спанаќ. Натурете го спанаќот со топлата вода од шпагетите. Со тоа ќе го омекнете спанаќот. Загрејте го маслото во длабока тава на средна топлина. Во него пропржете кромид и домати. Мешајте постојано додека не омекне или околу 3 минути. Додадете лук, зачини и мешајте 1 минута. Зголемете ја топлината на високо и додадете ја супата. Откако ќе зоврие, намалете ја топлината и динстајте додека не се намали за половина. Додадете ја павлаката, пармезанот и путерот. Мешајте додека да се растопи и измеша и да се добие кремаст сос. Додадете ги тестенините во тавата. Додадете го спанаќот. Промешајте. Намачкајте ги тестенините во чинија и украсете ги со парчиња панцета.

Време потребно за подготовка: 50 минути

<< Сокриј го рецептот

Тесто за пица Прикажи го рецептот >>

Тесто за пица >

Сосотојки:
1 Шекер лажичка/ки малку Сол 40 милилитри Млеко 1 Квасец 500 милилитри Вода 1 килограм/и Брашно

Упатства:
Квасецот одстојува малку во топла вода, да се стопи.Се додава кај брашното со малку шеќер и сол и постепено се става водата (зависи колку ќе впие брашното)Во месењето може да се додаде и 1 лажичка маргарин, за да биде поубаво, да не се лепи. Млекото се додава по желба доколку сакате тестото да биде помеко.Откако убаво ќе се размеси,тестото се остава да стаса (на топло побрзо стасува)

Време потребно за подготовка: 20 минути

<< Сокриј го рецептот

Топчиња од сирење Прикажи го рецептот >>

Топчиња од сирење >

Сосотојки:
300 грама сирење 3 јајца 300 г брашно 1 прашак за печиво

Упатства:
Сирењето се ренда и во него се додаваат останатите состојки. Убаво се измешува во тесто. Од тестото со две лажици се формираат кнедли кои се пржат на загреано масло кратко додека да поруменат. Забелешка: Наместо кнедли можете од тестото да формирате топчиња со раце но во тој случај тестото треба да се направи потврдо.

Време потребно за подготовка: 50 минути

<< Сокриј го рецептот

Торта од шпагети Прикажи го рецептот >>

Торта од шпагети >

Сосотојки:
-400 гр. шпагети - 400 гр. мелено месо -300 гр. шампињони - 1 ситно сечкан морков - 1 главица кромис - 1-2 чешниња лук - 2 ситно сечкани печени пиперки - рендан кашкавал - 1 чаша пире од домати - малку шеќер - масло, магдонос, босилек, сол и црн бибер За бешамел сок - 600 мл. млеко - масло - ? чаша брашно - 2 јајца - рендан кашкавал - сол, црн бибер, индиско оревче

Упатства:
Ставете половина од млекото, брашното, солта и биберот во блендер и миксирајте околу 1 минута. на загреаното масло ставете ја смесата и оставете ја да зоврие на тивок оган, со непрестајно мешање, додека се згусни. Тргнете ја од оган, оставете ја да се излади и ставете ги изматените јајца и ренданиот кашкавал. Изрендајте индиско оревче и ставете сол и бибер. Сварете ги шпагетите. Исцедете ги и исплакнете ги со ладна вода. Исечкајте го ситно кромидот, лукот и морковот. Ставете ги продуктите да се пржат на загреано масло, на тивок оган, додека омекнат. Потоа засилете го огнот и додајте го меленото месо и печурките и пржете околу 15 минути. Додадете сол и црн бибер. Додадете го виното и мешајте додека не испари. Додајте ги доматното пире и шеќерот и варете на тивок оган додека се згусни сосот. Земете огноотпорен округов сад и намачкајте го со маргарин. Наредете ги шпагетите во круг од дното на садот нагоре. Откако ќе наредите еден слој шпагети, изрендајте кашкавал, па наредете уште еден слој. Ставете го бешамел сосот на дното, наредете слој шпагети, сос од мелено месо, па повторно бешамел и така редете додека не го наполните садот. Завршете со бешамел и шпагети кои повторно ќе ги наредите во круг на дното од садот. Покријте го садот со фолија и печете околу 40 мин. во рерна. Оставете да се излади и превртете ја тортата на сад за сервирање.

Време потребно за подготовка: 90 минути

<< Сокриј го рецептот