/11 /11

Кога нашите деца ќе не видат дека доаѓаме до нив, тие знаат дека ние веројатно: а) ќе бараме од нив да направат нешто што не сакаат б) ќе им кажеме да престанат да го прават она што им е забавно.

Повеќето родители признаваат дека интеракцијата со децата им е во главно давање на задачи. Фер е да се каже дека повеќето задачи кои им ги даваме на децата, го намалуваат времето за нивната забава.  Ако гледате од нивна перспектива, сфатливо е што децата се прават дека не не слушаат. Во прилог се неколку совети за да го подобрите степенот на комуникација со децата:

-          Имајте повеќе другарска интеракција. Потрудете  се да имате барем една активност на ден заедно со децата, која ќе биде забавна. Придружете им се таму каде што си играат и прашајте ги што планираат да играат следно. Поканете ги да ви кажат некој виц. Или изненадете ги со голема прегратка.

-          Бидете луди. Зборувајте со смешен акцент. Гестикулирајте. Кога децата ќе сфатат дека и родителите знаат да се забавуваат, ќе им биде потешко да ги игнорираат.

-          Не го толкувајте нивното однесување како нешто лично против вас. Многу пати ги влошуваме работите бидејќи мислиме дека кога децата не не слушаат, имаат нешто против нас. Кога нема да ве слушаат како ги повикувате на масата да вечераат, бидејќи гледаат нешто интересно на ТВ, повторувајте: Не е ништо лично, не е ништо лично.

-          Зацврстете ги меѓусебните врски. Кога работам приватно со деца, кои уѓасно не ме слушаат, ми велат дека многу често се игнорирани од нивните родители. Погрижете се за тоа вашите деца да не се чувствуваат запоставенмо. Бидете заинтересирани за она што сакаат да ви го кажат. Забележете го сјајот во нивните очи кога разговараат со вас. Демонстрирајте слушање, ако сакате да ве слушаат.

-          Бидете економични со зборовите. Децата обично не ги слушаат родителите, бидејќи родителите зборуваат...и зборуваат...и збореуваат. Зборувајте јасно и кратко. Колку помалку зборови користите, толку поголем резултат ќе постигнете.

“Осум е часот. Време е за пижами.

Играчките треба да се исчистат. Вечерата е готова.”

Обидете се со овие примери и можете да забележите позитивен резултат.