Во два садови изрендајте по една голема исчистена тиквичка, посолете и оставете 20 минути додека да пушти вода. Вклучете ја рерната на 180 степени. Изматете 3 јајца со миксер додадете ја тиквичката и 3 лажици брашно. Ако смесата е течна, додадете уште малку брашно сецкан першун. Плехот (35 х 25) обложете го со хартија за печење и ставете ја смесата без да додадете масло. Печете 20 минути. За тоа време изматете ја и другата кора и печете ја во истиот плех откако ќе ја извадите првата. Ќе добиете две кори кои се цврсти и меки во исто време, не се кинат и можат да се сечат по желба. Секоја кора се премачкува со павлака, се додава по желба буковска пипер, магдонос и други додатоци. Се става во фрижидер и се служи.