Постелката почнува да ја врши својата задача и го обезбедува плодот со кислород и хранливи состојки кои му се потребни за растење и развој.

Мозокот во текот на бременоста уште ќе се развива, а веќе може да се види првобитната структура која ќе остане таква и после породувањето. Практично, формирани се сите органи на плодот кои нормално, и понатаму ќе растат и ќе се развиваат се до породувањето.

Во оваа фаза веќе почнува да излачува жолчката, а бубрезите почнуваат да произведуваат урина. Плодот е веќе способен за поместување, рефлексни движења, а покрај тоа почнува да функционира и перисталтика (активно движење на цревата кои ја варат храната за да може да патува од почеток до крај). Сето тоа е подготовка на плодот за живот надвор од матката. На плодот веќе му растат нокти, а сега почнува да му расте и коса.

Плодот е голем од 5 до 6 см, а тежок околу 14 грама. Малото срце чука со 160 отчукувања во минута.

ДАЛИ СТЕ ЗНАЕЛЕ?

Плодот веќе пие плодова вода и ја враќа назад во својата околина. Бидејќи плодовата вода е стерилна, значи без бактерии, нема никаква опасност дека нешто ќе му се случи. Природата се погрижила работите да течат токму онака како би требало да бидат. Плодовата вода е неверојатна течност. Има способност на потполно обновување за само три часа. И уште ова, специјалистите знаат дека делумно е составена од урината на фетусот, а главните состојки сеуште се тајна.

>>  Мама во 12. недела
>>  Тато во 12. недела