/11 /11

Во принцип, доколку дадете писмена согласност за донирање на матичните клетки од Вашето бебе, тие може да бидат искористени за секој кој има директна компатибилност со вашето дете, како на пр. со брат или сестра.

Како ќе знаеме дали клетките се компатибилни за употреба кога е потребно?

Таканаречениот HLA тест (тест за компатибилност/совпадливост на ткивото) ќе треба да се прави кај донаторот и пациентот. Од шест дадени параметри, најмалку четири или пет треба да се совпаѓаат. Во спротивно постои ризик отфрлање кое може да биде опасно по живот т.н Graft versus Host заболување (реакција на отфрлање на трансплантираното ткиво).

Во случај на близнаци, дали треба да имам повеќе од еден сет?

Да, во случај на близнаци Ви требаат два сета. За вториот сет имате попуст од 50% на цената на услугата (Видете дел за цени).

Дали може да ги продадам моите матични клетки на трето лице?

Во повеќето земји, продавањето на делови од телото, како и крв на трето лице е нелегално.

Дали земањето на крв од папочна врвца е болно или опасно за моето бебе и мене?

Воопшто нема потреба да бидете исплашени. Самата постапка се изведува непосредно по завршување на породувањето, после пресекувањето на папочната врвца. Примерокот се зема од делот на папочната врвца кој е поврзан со плацентата – безбедна и безболна процедура без ризик. Ние секогаш внимаваме здравјето на мајката и детето да бидат на прво место.

Колкава е веројатноста, едно лице да ги искористи своите матични клетки во тек на животот?

Во тек на животот- се до 70 години, веројатноста дека лицето ќе има потреба од трансплантат од сопствените матични клетки (автологен трансплантат) е 1 во 450 или 0,23%.

Во тек на животот- се до 70 години, веројатноста дека лицето ќе има потреба од трансплантат, свој или од друго лице (автологен или алоген трансплантат) е 1 во 220 или 0,46%.

Референци Pasquini, MC, Logan, BR, Verter, F, Horowitz, MM, & Nietfeld, JJ. Abstract објавено во: Blood 2005; 106:1330.

Кога можам да го очекувам сетот за колекција на мојата домашна адреса?

Треба да биде доставен во рок од еден до три дена по прием на Вашата нарачка. Вие ќе добиете фактура една недела по добивање на сетот.

Дали некој друг надвор од моето семејство ќе има пристап до овие матични клетки?

Не, матичните клетки може да бидат ослободени од чување само со писмена согланост на родителите или старателите на детето.

На што се должи неуспешноста на постапката?

Понекогаш количината на крв земена при породувањето може да биде многу мала или контаминирана како резултат на нестерилна постапка. Ние имаме успешен процент во повеќе од 85% од сите примероци. Внимателно читање на упатството ги зголемува шансите за успешност.

Дали постои поврзаност помеѓу волуменот на собрана крв и бројот на матични клетки?

Општо земено, постои директна корелација помеѓу волуменот на крв и бројот на матични клетки. Меѓутоа, во индивидуални случаи постојат исклучоци. Општо правило е дека колку е поголем волуменот на собрана крв, толку има повеќе матични клетки.