Често слушаме совети од типот: „Пиј повеќе вода, ќе ти се исчисти кожата.“ Но, дали ова е навистина точно или само уште еден мит во светот на убавината?

Водата е клучна за животот, но нејзиното директно влијание врз изгледот на кожата е тема за која вреди да знаеме повеќе.

Во продолжение ќе дознаете како водата влијае на кожата, дали пиењето повеќе вода навистина ја прави почиста и кои фактори се клучни за здрав изглед.

Зошто е важна хидратацијата?

Нашето тело е составено од околу 60% вода, а кожата е најголемиот орган. Водата учествува во: одржување на еластичност и мекост на кожата, транспорт на хранливи материи и кислород, исфрлање на токсини преку бубрезите и потта.

Без доволно вода, кожата може да изгледа уморно, суво и без сјај.

Дали повеќе вода значи и чиста кожа?

Истражувањата покажуваат дека пиењето вода е важно за општото здравје, но директната врска меѓу количината на вода и појавата на акни или дамки не е толку едноставна. Акните се резултат на повеќе фактори: хормонален дисбаланс, исхрана богата со шеќер и масти, недоволно чистење на кожата, стрес

Сепак, дехидрираната кожа е посклона кон иритации, воспаленија и брчки, што индиректно може да ја влоши состојбата.

Колку вода е доволно?

Општата препорака е 2 литри дневно, но ова зависи од: тежината и возраста, физичката активност, температурата на околината.
Можете да ја следите бојата на урината. Светложолтата боја е знак дека си добро хидриран.

Вистинската формула за здрава кожа

Самата вода не е доволна. За здрава, чиста и сјајна кожа, потребно е: балансирана исхрана богата со овошје, зеленчук, омега-3 масни киселини, редовно чистење и хидратација на кожата со креми, сон и намалување на стресот, заштита од сонце со задолжително користење на заштитен фактор.

Пиењето вода е основа за добро здравје и е клучен фактор за хидратација на кожата, но не е „магичен лек“ за акни или нечистотија. Најдобри резултати доаѓаат од комбинација на правилна исхрана, грижа за кожата и здрави животни навики.