Кожата е најголемиот орган на телото и често прва реагира на надворешни и внатрешни фактори. Состојби како розацеа, дерматитис и псоријаза не се само естетски предизвици.

Иако секоја од нив има различни причини и симптоми, заедничко е тоа што бараат внимателна и континуирана грижа.

 

Розацеа

Хронична состојба која најчесто се појавува на лицето проследена со црвенило, ситни капиларни проширувања и понекогаш акни, слични на израстоци.

Совети за грижа:

• Избегнувајте алкохол, зачинета храна и топли напитоци кои ја поттикнуваат вазодилатацијата.
• Користете нежни козметички производи без алкохол и парфеми.
• Заштита од сонце со крема со висок SPF е задолжителна.

 

Дерматитис

Постојат повеќе видови: атопичен, контактeн, себороичен, но најчесто се карактеризира со чешање, сувост и воспаление на кожата.

Совети за грижа:

• Навлажнувајте ја кожата редовно со хипоалергени креми или масти.
• Идентификувајте и избегнувајте можни алергени или иритирачки материи (детергенти, козметика, синтетички ткаенини).
• Кратко туширање со млака вода, без користење на агресивни сапуни.

 

Псоријаза

Автоимуна состојба која предизвикува забрзано обновување на клетките на кожата, што резултира со задебелени, црвени и лушпести плаки.

Совети за грижа:

• Користете емолиенти и навлажнувачи за да ја намалите сувоста.
• Изложување на умерена сончева светлина, но претпазливо и со заштита).
• Намалување на стресот, кој често е тригер за појава на нови промени.
• Консултација со дерматолог за специфична терапија (креми, фототерапија или системска терапија).

 

Општи совети за сите кожни состојби

• Водете дневник за симптомите за да ги препознаете тригерите.
• Изберете нежна, дерматолошки тестирана козметика.
• Пијте доволно вода бидејќи хидратацијата одвнатре е исто толку важна.
• Намалете го стресот преку релаксација, физичка активност или медитација.
• Редовни прегледи кај дерматолог за следење и адаптација на терапијата.

Розацеа, дерматитис и псоријаза не можат секогаш целосно да се излечат, но со правилна грижа и препознавање на тригерите, симптомите значително може да се ублажат. Кожата е огледало на внатрешното здравје, па секоја промена заслужува внимание и нежна, но доследна грижа.