Акните се една од најчестите кожни состојби кои не ги погодуваат само тинејџерите, туку и возрасните.

За да се справиме со нив, прво треба да ги разбереме причините и факторите што ги влошуваат.

Зошто настануваат акни?

1. Прекумерно лачење на себум. Мастите кои ги лачат лојните жлезди се таложат и ги затнуваат порите.
2. Мртвите клетки на кожата ако не се отстрануваат редовно, создаваат идеална средина за бактерии.
3. Бактерии како Cutibacterium acnes, порано позната како Propionibacterium acnes предизвикува воспаление.
4. Хормони, особено во пубертет, менструален циклус или бременост.
5. Генетика предиспозиција кај некои луѓе.

Тригери кои можат да ги влошат акните

• Стресот ја зголемува активноста на хормоните што стимулираат себум.
• Нездравата исхрана како внес на премногу шеќери, преработена храна и млечни производи може да придонесат за влошување на акните.
• Неправилната нега на кожа преку користење на агресивни производи или недоволно чистење.
• Лекови односно одредени хормонални препарати или стероиди.
• Неправилни навики како често допирање на лицето, спиење со шминка, валкани навлаки и мобилен телефон исто така предизвикуваат влошување на акните.

Природни решенија за почиста кожа

Редовна хигиена на лицето

• Мијте го лицето два пати дневно со благ гел без алкохол.

Чајно дрво (tea tree oil)

• Има природно антисептичко и антибактериско дејство.

Маска со мед

• Медот има антибактериски својства и ја смирува воспалената кожа.

Зелен чај (локално или како пијалок)

• Богат со антиоксиданси кои ја намалуваат воспаленоста.

Исхрана богата со зеленчук и омега-3 масни киселини

• Авокадо, јатки, ленено семе и риба го намалуваат воспалителниот процес во телото.

      Алое вера

• Смирува, хидрира и ја обновува кожата.

Кога е време за дерматолог?

• Ако акните се болни, чести или оставаат лузни.
• Ако домашните и природни методи не даваат резултати.
• Ако акните влијаат негативно на самодовербата и расположението.

Акните имаат повеќе причини и тригери, а решението често бара комбинација од правилна нега, здрава исхрана и природни средства. Со трпение и соодветен пристап, кожата може да се смири и да изгледа поздрава.