Цистит е воспаление на мочниот меур, најчесто предизвикано од бактериска инфекција. Најчесто се јавува кај жените поради близина на уретрата до анусот и пократката должина на уринарниот канал.

Кои се најчестите симптоми на цистит?

• Често и итно мокрење, дури и кога има многу мала количина урина
• Печење или болка при мокрење
• Заматена или непријатен мирис на урината
• Болка или притисок во долниот дел на стомакот
• Понекогаш се јавува блага температура или траги од крв во урината

Што го предизвикува циститот?

• Бактериите, најчесто E. coli што од дебелото црево навлегуваат во уретрата
• Лошата интимна хигиена или премногу агресивно миење, како и употреба на несоодветни средства за интимна хигиена
• Полов однос (т.н. „цистит по секс“)
• Задржување урина подолго време
• Невнесување доволно течности со што се јавува и слаба хидратација
• Употреба на нестерилни тампони или влошки

Кога да се јавите на лекар?

• Ако симптомите траат повеќе од 1 до 2 дена
• Ако имате температура, мачнина или болка во грбот, што може да значи ширење на инфекцијата кон бубрезите, а со тоа и сериозни последици по здравјето, кои доколку не се третираат може да бидат фатални
• Ако често имате повторувачки цистит

Како се лекува циститот?

• Најчесто се лекува со антибиотици, по препорака од лекар
• Паралелно се препорачува внес на многу течности, чаеви и избегнување на кофеин и алкохол, како и производи кои содржат кофеин во себе
• Одмор и да се следат советите на гинеколог или уролог

Што можете да направите за превенција?

• Пијте доволно вода секој ден и со тоа хидрирајте го организмот
• Уринирајте веднаш по полов однос
• Не задржувајте урина подолго време
• По нужда задолжително бришете се секогаш од напред кон назад
• Избегнувајте синтетичка долна облека и тесна облека
• При купување нова долна облека задолжително пред носење исперете ја

Циститот во најголемиот број на случаи не е опасен, но е многу непријатен и не треба да се игнорира. Со навремено лекување и правилна нега, симптомите брзо се повлекуваат, а со добра превенција може и целосно да се избегне.