Бременоста е период на големи промени во телото, а со нив често доаѓаат и различни тегоби.

Иако најчесто се нормален дел од адаптацијата, тие можат да бидат непријатни и збунувачки, особено за идните мајки кои првпат минуваат низ ова искуство.

Гадење и повраќање

Овие тегоби најчесто се јавуваат во првиот триместар.

Што помага?

-        имајте помали, но почести оброци,

-        консумирајте сува храна наутро како крекери, тост и слично.

-        избегнувајте силни мириси.

Замор и поспаност

Причина за овие тегоби се хормоналните промени и зголемениот напор на телото.

Како да се олеснат?

-        повеќе одмор,

-        кратки дремки,

-        лесна физичка активност.

Болки во грбот

Болките во грбот се јавуваат поради промена на тежиштето и олабавување на лигаментите.

Што е решението?

-        правилно држење на телото,

-        лесни вежби за трудници,

-        носење удобни обувки.

Горушица

Причина за ова е тоа што хормоните го опуштаат дигестивниот систем.

Како да си олесните?

-        имајте помали оброци,

-        избегнувајте зачинета и масна храна,

-        не легнувајте веднаш по јадење.

Често мокрење

Ова се јавува во текот на целата бременост, а причина за тоа е притисокот на матката врз мочниот меур.

Оток на нозете

Причината за отоците е задржувањето на течности.

Што помага?

-        подигнување на нозете,

-        внес на доволно течности,

-        избегнување на долго стоење.

Промени во расположението

Причината за овие промени е во хормоналните флуктуации.

Како да се справите?

-        со разговор и поддршка од партнерот, околината и стручно лице,

-        со одмор и релаксација.

Кога да се јавите на лекар?

-        Ако се појави силна или ненадејна болка.

-        Ако има крварење.

-        При појава на висока температура.

-        Ако имате силни и постојани главоболки.

Трудничките тегоби се дел од природниот процес на бременоста и најчесто не се опасни. Сепак, важно е да се слуша сопственото тело и да се побара совет од лекар кога нешто изгледа невообичаено. Со правилна грижа и поддршка, овој период може да биде многу поудобен и посмирен.