Спонтаниот абортус најчесто се случува во раната бременост, особено во првиот триместар. Статистички, најголем дел од загубите на бременоста се случуваат пред 12тата недела, а најризичен период е помеѓу 6тата и 8тата недела.

Зошто токму во овој период?

Тогаш е раниот развој на ембрионот. Во првите недели се формираат клучните органи, а организмот препознава дали развојот е правилен.

Генетските причини се најчеста причина за спонтан абортус како и хромозомски неправилности што не се компатибилни со развој.

Што се случува по 12тата недела?

Ризикот значително се намалува односно бременоста станува постабилна

Спонтани абортуси се поретки, но сепак може да дојде до нив и да се поврзани со други фактори како хормонални проблеми, инфекции, проблеми со матката и друго.

Важно е да се знае

-        Многу рани абортуси се случуваат пред жената да знае дека е бремена.

-        Во повеќето случаи, тоа не може да се спречи.

-        Спонтаниот абортус не е резултат на нешто што жената направила или не направила.

Кога да се побара лекарска помош?

• Доколку се појави крварење во бременоста.
• Ако има болки во долниот дел на стомакот.
• Ако дојде до губење на симптомите на бременост.

Спонтаниот абортус е тешко искуство, но е и релативно чест дел од репродуктивниот процес. Разбирањето кога најчесто се случува може да помогне во подобро информирање, но и во намалување на чувството на вина кое често го следи ова искуство.