Патувањето со деца секогаш бара добра подготовка.

Ниту еден родител не сака да се најде во ситуација без потребните работи кога е на пат.

Еве кои се осумте неопходни работи што треба секогаш да ги имате во автомобилот:

1. Влажни марамчиња

Незаменливи за чистење раце, лице или мали „катастрофи“ во автомобилот. Практични се и за брзо освежување.

2. Резервна облека

Деца и изненадувања одат рака под рака, истурен сок, калливи рачиња или неочекувана несреќа. Една комплетна резервна гардероба може да го спаси денот.

3. Вреќички за отпад

Ситни грицки, марамчиња, амбалажи, хаосот лесно се собира. Со неколку вреќички, автомобилот ќе остане чист и организиран.

4. Вода и здрава закуска

Децата се гладни во најнеочекуваните моменти. Секогаш носете шишиња со вода и нешто здраво за грицкање како овошје, крекери или житни плочки.

5. Прва помош

Од мали гребаници до ненадејна главоболка, комплет со основни лекови, фластери и антисептик е задолжителен.

6. Омилена играчка или книга

За да избегнете досада и нервоза, носете нешто што го смирува вашето дете како мала играчка, книга или боење.

7. Ќебенце или лесна покривка

Совршено за студени вечери, спиење во автомобил или пикник пауза. Исто така, може да помогне во непредвидени ситуации.

8. Полнач за телефон и батерија

Родителите често се потпираат на телефон за навигација или итни повици. Затоа секогаш носете кабел и резервна батерија.

Со овие работи, патувањето ќе биде многу помирно и побезбедно и за вас, и за вашите деца. Подготовката е половина од успешното патување со деца.