Да се биде мајка е една од најубавите, но и најпредизвикувачките улоги во животот. Од моментот на бременоста, па сe до грижата за бебето, жената се соочува со физички, емоционални и психолошки промени.

Во овој процес, поддршката од партнерот и блиската околина е од клучно значење, не само за здравјето на мајката, туку и за целокупната благосостојба на семејството.

Партнерот е вашиот прв сојузник

Поддршката од партнерот не се состои само во практична помош, туку и во присуство, разбирање и емпатија. Кога партнерот активно учествува:

• Мајката чувствува помала изолација и стрес
• Се создава посилна емоционална врска меѓу двајцата
• Се гради стабилна семејна атмосфера за детето

Дури и едноставни гестови: како подготовка на оброк, преземање на домашни обврски или само искрено слушање, можат да значат многу.

Околината, ваша сигурносната мрежа

Семејството и пријателите можат да ја олеснат транзицијата кон мајчинството преку:

• Помош со домашни работи или грижа за бебето
• Охрабрување и позитивни зборови
• Почитување на новата улога и потребите на мајката

Важен дел од поддршката е и ненаметливоста. Понекогаш најдоброто што може да се понуди е разбирање и простор.

Психолошка важност

Истражувањата покажуваат дека мајките со силна поддршка имаат помал ризик од постпородилна депресија и анксиозност. Чувството дека не се сами им дава сила да се справат со предизвиците, а тоа позитивно влијае и врз односот со детето.

Поддршката на мајката од партнерот и околината не е луксуз, туку потреба. Таа е основата на здраво семејство, среќно детство и стабилна врска. Кога сите околу мајката делуваат како тим, таа може да ја исполни својата улога со повеќе љубов, самодоверба и радост.