Летото е време за одмор, освежување и забава покрај базен, но зад кристално чистата вода често се кријат невидливи опасности.

Базените можат да бидат извор на различни инфекции ако не се одржуваат правилно или ако посетителите не ги почитуваат хигиенските препораки. Еве што треба да знаете за најчестите зарази што можат да се пренесат во и околу базените.

Најчести инфекции поврзани со базени:

1. Гастроинтестинални инфекции

Причинети од бактерии како E. coli, Cryptosporidium и Giardia. Се пренесуваат преку проголтување загадена вода. Дури и мала количина може да предизвика сериозна стомачна инфекција кај деца и возрасни.

2. Габични инфекции

Најчесто појавата на габички на стапалата (атлетско стопало), но и инфекции на кожата и ноктите. Влажната околина е совршена за нивен развој, особено во тушеви и соблекувалните.

3. Инфекции на очите и ушите

Црвени, иритирани очи може да бидат последица на конјунктивитис, додека "swimmer’s ear" (воспаление на ушниот канал) е честа појава при престој во вода без соодветна заштита.

4. Инфекции на уринарниот тракт

Овие инфекции се јавуваат особено кај жени, поради контактот со нечиста вода или задржување во мокар костим за капење долго време.

Како да се заштитите?

- Туширајте се пред и по влегување во базен
- Не влегувајте во вода ако имате дијареа или кожни осипи
- Потсетете ги децата да не голтаат вода
- Носете соодветни обувки во соблекувалните и тушевите
- Пресоблечете го мокриот костим веднаш по капењето
- Избегнувајте базени кои имаат чудна боја, мирис или се очигледно нечисти

Кога да се обратите на лекар?

Ако почувствувате стомачни болки, дијареа, чешање, црвенило или болки во ушите неколку дена по посетата на базен, не ги игнорирајте овие симптоми. Подобро е да побарате лекарски совет, ова особено важи кај децата и бремените жени.

Базените можат да понудат релаксација и разладување, но и потенцијален ризик ако не се користат внимателно. Со соодветна лична хигиена и информираност, можете безбедно да уживате во водените активности и да го заштитите вашето здравје и здравјето на вашето семејство.