За многу родители, изборот на перниче за нивното дете изгледа како мал и едноставен чекор. Но, педијатрите и експертите за спиење предупредуваат дека времето кога ќе се воведе перниче е многу поважно отколку што изгледа.

Неправилниот избор или прераната употреба може да предизвика проблеми со дишењето, квалитетот на сонот, па дури и со правилниот развој на ‘рбетот.

Во продолжение ќе објасниме кога е вистинскиот момент за перниче, на што да внимавате и кои се најдобрите опции за најмалите.

Перниче и безбедност. Зошто не за перница во првата година?

Во текот на првата година од животот, педијатрите не препорачуваат користење на перниче. Причината е едноставна: бебињата спијат повеќе на грб, а перничето може да го зголеми ризикот од синдром на ненадејна смрт кај новороденчињата (SIDS), задушување или прегревање.

До 12-месечна возраст, детето има природна положба за спиење што не бара никаква дополнителна поддршка.

Вистинско време за перниче

Најчесто, перничето може да се воведе по 18 месеци до 2 години, кога детето:

• веќе спие во мало детско креветче, а не во бебешка креветче со решетки,
• има стабилна контролирана положба на телото,
• покажува знаци на непријатност: се буди често, бара да спие со мека играчка под глава, ја става раката или ќебенцето како подлога.

Какво перниче да изберете?

Не секое перниче е соодветно за малите деца. Еве на што да внимавате:

1. Тенок и рамен дизајн. Дебелите перници ја менуваат положбата на вратот и можат да создадат притисок на ‘рбетот.
2. Хипоалергични материјали за да се намали ризикот од алергии и иритации.
3. Лесно за перење бидејќи детските перници често се валкаат.
4. Правилна големина. Перничето треба да одговара на детската глава, а не да зафаќа половина кревет.

Како да препознаете дека детето е подготвено?

• Се жали дека го боли вратот или грбот после спиење.
• Се обидува да спие со ќебе, играчка или рака под глава.
• Се буди често и ја менува положбата како да бара повеќе удобност.

Совети за полесен премин

• Почнете со кратки дремки на перниче во текот на денот, па продолжете со ноќно спиење.
• Не менувајте премногу работи одеднаш како на пример: перниче, нов кревет и нова просторија во исто време.
• Изберете перниче заедно со детето. Ако има боја или дезен што му се допаѓа, ќе го прифати полесно.

Перничето не е потребно во првите месеци од животот и дури може да биде ризично. Но, кога детето ќе наполни околу две години, може да стане пријатен додаток за подобар сон, ако е внимателно избрано.

Запомнете, удобноста е важна, но безбедноста е на прво место. Подобро е да се почека малку повеќе, отколку да се ризикува со прерана употреба.