Болното грло е едно од најчестите здравствени тегоби, особено во зимските месеци. Но тоа не значи дека секое болно грло е ангина,инфекција која најчесто ја предизвикува бактеријата стрептокок.

Разликата е важна, бидејќи третманот за вирусно болно грло и за ангина е различен.

Вирусно vs. бактериско болно грло

Вирусно болно грло:

• Најчесто постепено започнува и е придружено со други симптоми на настинка: кашлица, кивање, течење нос.
• Температурата е обично умерена или ја нема.
• Поминува за 5-7 дена без антибиотик, со одмор и течности.

Бактериско болно грло (стрептококна ангина):

• Болката се појавува одеднаш и е силна, често придружена со висока температура.
• Крајниците може да бидат отечени и да има бели наслаги.
• Понекогаш се појавуваат болни лимфни јазли на вратот и отежнато голтање.
• Бара антибиотска терапија по препорака на лекар.

Кога треба да се консултирате со лекар?

• Ако болката во грлото е силна и трае повеќе од два дена.
• Ако температурата е висока или постојано расте.
• Ако има отежнато голтање, дишење или промена на гласот.
• Ако се појават бели наслаги или гној од крајниците.

Не секое болно грло е ангина. Во повеќето случаи станува збор за вирусна инфекција која поминува сама, додека ангината е бактеријска и бара специфичен третман. Навремено препознавање на симптомите и консултација со лекар се клучни за брзо и безбедно заздравување.