И оваа година на болните дечиња ќе им требаат нашите прегратки. И оваа година, трета по ред ќе направиме играчки најубави на свет. ДАНУ Филантропија преку интернет медиумот Рингераја.мк и БиМилк ја започнуваат најтоплата детска хуманитарна акција!

Рингераја е создадена за да прегрнува и за да ја прегрнуваат...

Не' прегрнува секогаш кога сме осамени и тажни во долгите ноќи, најтешките моменти, во мачните и навидум безнадежни очекувања...

 

Ја прегрнуваме во најсреќните мигови, со неа ги споделуваме сите свои радости, надежи, достигнувања...

 

Врската меѓу нас е веќе толку силна, искрена и топла што сме подготвени заедно да го прегрнеме и целиот свет...

 

Се чувствуваме способни со нашата прегратка да стоплиме нечие срце, да измамиме насмевка на нечие лице, да направиме некого среќен, макар и за миг...

 

А кого најмногу сакаме? Се разбира, децата.

 

ЗАРАДИ ВАС И ЗАЕДНО СО ВАС, РИНГЕРАЈА е подготвена да ги прегрне сите болни дечиња, кои Новата Година ќе ја поминат во болница.

 

 

И оваа година за Вас, кои ќе изработувате играчки, подготвивме неколку инспитаривни новости.

 

Сликовница (наскоро)

Химна на акцијата "Прегратка на дар"

Изработка на честитки

 

Инструкции за изработка на играчки

 

 

Исто како и претходната година, караванот "Прегратка на дар" предводен од Битолското чупе, ќе ги посети сите градинки учеснички во акцијата, ќе им подели сликовници на сите дечиња, прирачници за изработка на играчки и топли прегратки.

Изработките на СЕКОЈА градинка ќе ги поставиме во соодветен изложбен простор на големата изложба која ќе се организира во склоп на проектот.

 

Откако ќе ги израдуваме болните дечиња, ќе се потрудиме да ги израдуваме и дечињата кои ги правеа играчките со "Изборот за најубава играчка/група на играчки".

 

И оваа година ви ветуваме многу игра, забава и мнооогу силни прегратки.

 

 

Пријава за градинки >>

 

 

Промоциска објава