Хормоните се тивки диригенти на нашето здравје, ја контролираат енергијата, расположението, апетитот и дури начинот на кој телото складира масти.

Но кога нивниот баланс е нарушен, тоа може да предизвика низа непријатни симптоми. Еден од најчестите проблеми кај жените денес е вишокот на естроген, состојба позната како естрогенска доминација.

 

Што е естроген и зошто ни е потребен?

Естрогенот е женски полов хормон кој има клучна улога во: регулирање на менструалниот циклус, поддршка на репродуктивниот систем, здравјето на коските и срцето.

Но кога неговото ниво е превисоко во однос на другите хормони, особено прогестерон, може да предизвика т.н. „тивок хаос“ во телото.

 

Како настанува вишок на естроген?

Причините може да бидат различни:

• Стрес и нарушена функција на црниот дроб. Органот кој е одговорен за детоксикација и елиминација на вишокот хормони нема правилна функција.
• Неправилна исхрана, богата со преработени намирници и шеќери.
• Изложеност на естрогенски токсини (ксеноестрогени) кои се присутни во пластиката, некои козметички производи, пестициди.
• Хормонална терапија или контрацептиви.
• Недостаток на физичка активност.

 

Симптоми на естрогенска доминација

Ако се пронаоѓате во повеќе од неколку симптоми, можно е да имате хормонален дисбаланс. Тие се: нередовни или обилни менструации, подуеност и задржување течности, чувствителност и болка во градите, главоболки, мигрени, намалено либидо, анксиозност, промени во расположението, тешкотии со слабеење, особено во областа на колковите и бутовите.

 

Зошто е опасен вишокот на естроген?

Долготрајно високите нивоа на естроген можат да го зголемат ризикот од: ендометриоза, миоми, цисти на јајниците, па дури и одредени типови на рак (најчесто на дојка).

 

Како да го намалите естрогенот природно?

Со промена на начинот на живот и исхраната можете да го подобрите хормоналниот баланс.

1. Поддржете ја функцијата на црниот дроб

Црниот дроб е „фабриката за чистење“ на хормоните. За да функционира оптимално:

• Внесувајте поголема количина зеленчук како: брокула, карфиол, кељ, зелка. Тие содржат соединенија кои помагаат во метаболизмот на естрогенот.
• Пијте доволно вода.
• Намалете го алкохол и преработената храна.

 

2. Избегнувајте ксеноестрогени

Ова се синтетички хемикалии кои имитираат естроген: Препораки:

• Чувајте храна во стаклени, а не пластични садови.
• Користете козметика без парабени и сулфати.
• Купувајте органско овошје и зеленчук кога е можно.

 

3. Јадете повеќе растителни влакна

Влакната помагаат да се елиминираат вишокот хормони преку дигестивниот систем. Добри извори се: интегрални житарки, мешунки, семиња, особено ленено семе кое е богато со лигнани кои имаат благ ефект врз естрогенот.

 

4. Движете се редовно

Физичката активност го намалува масното ткиво, а масните клетки произведуваат естроген. Дури и 30 минути брзо одење на ден може да има голем ефект.

 

5. Управувајте со стресот

Хроничниот стрес ја намалува продукцијата на прогестерон, што го зголемува дисбалансот со естрогенот. За таа цел правете: техники за дишење, јога, медитација.

 

6. Размислете за природни додатоци со совет од лекар

Некои билки и суплементи можат да помогнат:

• Чајот од мачкина трева (Vitex agnus-castus) ја поддржува рамнотежата на прогестерон и естроген.
• Магнезиумот и витаминот Б6 се важни за метаболизмот на хормоните.

 

Естрогенот е клучен хормон за женското здравје, но кога има вишок од него може да предизвика низа проблеми. Со правилна исхрана, редовна физичка активност, избегнување на токсини и грижа за стресот, можно е природно да се воспостави хормонална рамнотежа и да се почувствувате подобро, без лекови и агресивни интервенции.