Во животот често се соочуваме со моменти кога се прашуваме: „Дали сум навистина подготвен/на?“, било да е тоа нова работа, воведување промена, нова врска или едноставно чекор кон нешто што долго го посакуваме.

Стравот и сомнежот знаат да шепотат погласно од нашата храброст. Но вистината е една: ако срцето ве влече напред, тогаш вие веќе сте подготвени.

Подготвеноста не значи дека ќе биде совршено, ниту дека ќе имате сите одговори. Таа значи дека сте доволно силни да учите по пат, доволно храбри да пробате, доволно мудри да се издигнете ако паднете.

Денес бидете благодарни за патот кој ве донел до овој момент. Сите ваши искуства и убавите и тешките, ве подготвувале за тоа што доаѓа. Верувајте во себе, затоа што веќе имате сè што ви е потребно за следниот чекор.

Афирмација за денес:
„Подготвен/на сум за следниот чекор. Верувам во себе, во мојата сила и во мојот пат.“

Ви посакуваме ден полн со храброст и доверба во сопствената внатрешна сила затоа што најубавото допрва доаѓа.

Следниот чекор е ваш.

Ваша Рингераја.