Ако мислевте дека вкусното и здравото не одат заедно, време е да ги запознаете овие палачинки!

Направени со само неколку природни состојки. Палачинките со банана и чиа семе се идеален избор за оние кои сакаат лесен, нутритивен и енергетски богат оброк. Без рафиниран шеќер, со висока содржина на растителни влакна, овие палачинки не само што ќе ве заситат, туку и ќе го разбудат вашиот метаболизам уште од самиот старт на денот.

Подгответе тавче, згмечете банана, додадете неколку волшебни зрна чиа и уживајте во здрава верзија на омилениот појадок!

Состојки:

• 2 зрели банани
• 2 јајца
• 3 лажици чие семе
• 1/2 шолја овесни снегулки (може и интегрално брашно)
• 1/2 кафена лажичка прашок за печиво
• Малку цимет (по желба)
• Масло за јадење (кокосово или маслиново)

Подготовка:

1. Во сад, пасирајте ги бананите со вилушка додека да добиете пире.
2. Додајте ги јајцата и добро измешајте.
3. Во смесата додајте го чието семе, овесните снегулки, прашокот за печиво и циметот.
4. Оставете ја смесата да отстои 5-10 минути за да набабри чието семе.
5. Загрејте тава на средна температура и малку намастете со масло.
6. Со лажица ставајте мали количини од смесата и пржете по 2-3 минути од секоја страна додека палачинките да добијат златна боја.
7. Послужете ги со јогурт, свежо овошје или мед.

Зошто овие палачинки се здрав избор?

• Бананата е природно слатка и богата со калиум и влакна.
• Чието семе е одличен извор на омега-3 масни киселини, протеини и антиоксиданти.
• Овесните снегулки го поддржуваат варењето и даваат чувство на ситост.

Уживајте во вкусниот и нутритивен појадок!