Мажите и жените, кои секојдневно пијат по една чаша сок од калинка, го зголемуваат нивото на тестостерон во организмот, ефект кој се постигнува со вијагра

Зголемените концентрации на споменатиот хормон водат до засилување на сексуалната желба и кај двата пола. Калинката ја препорачуваа истражувачите при Универзитетот “Queen Margareth” од Единбург, како еден од најдобрите природни афродизијаци, пренесува hotnews.bg

Научниците спровеле истражување врз 58 доброволци на возраст од 21 – 64 години, во тек на две седмици. Испитаниците секој ден пиеле по една чаша сок од калинка. На крајот на периодот за набљудување нивото на тестостерон во крвта значително им се зголемил на сите  испитаници.

Кај мажите била забележана поголема влакнетост, задебелен глас и повишено либидо. Кај жените исто така била констатирана зголемена сексуална желба и заздравување на коските и мускулите. Како спореден ефект, тестостеронот го подобрувал расположението и смислата за хумор, а го намалувал стресот.

Претходните истражувања за сокот од калинка укажуваат на високото ниво на антиоксиданси, кои го подобруваат имунитетот, штитат од срцеви заболувања и го регулираат крвниот притисок.