Избивањето на првите запчиња е една од најемоционалните фази во првата година од животот каде имаме комбинација од возбуда, неизвесност и секако често многу плач.

Иако секое бебе е различно, постојат типични знаци што укажуваат дека запчињата се „на пат“.

Ова е јасен и практичен водич за тоа како да ги препознаете симптомите на избивање на запчиња, кога да се загрижите и како да го олесните процесот.

 

1. Зголемено лижење и плункање

Бебињата може да произведуваат многу повеќе плунка отколку вообичаено.
Понекогаш маичките се влажни за неколку минути и тоа е сосема нормално.

Зошто се случува?
Жлездите со плунка стануваат поактивни, а бебето се обидува да ја смири непријатноста со лижење и џвакање предмети.

 

2. Желба за гризење сè што ќе дофати

Играчки, рачето, ќоше од ќебе, па дури и вашите прсти. Гризењето создава притисок што ја намалува болката во непцата.

 

3. Црвени, отечени или чувствителни непца

Пред да избие забчето, непцето на тоа место може да се: зацрвени, подуе, стане потврдо на допир.

Понекогаш се гледа и мала бела точка под површината, а тоа е идниот заб.

 

4. Плачење и зголемена раздразливост

Оваа раздразливост не е од разгаленост, туку затоа што го боли.
Болката често е посилна навечер, кога нема многу одвлекување на вниманието.

 

5. Нарушен сон

Дури и бебињата што спијат добро може да почнат: почесто да се будат, да имаат немирни ноќи, да плачат во сон.

Ова е и еден од најчестите знаци на избивање запчиња.

 

6. Намален апетит

Бебињата може да одбиваат храна или доење, особено ако непцата се болни.

Кај поголеми бебиња може да забележите дека инсистираат на ладна храна како јогурт, овошно пире, ладење играчки за гризење и слично.

 

7. Триење на образите и влечење на увото

Болката од непцата понекогаш се пренесува кон вилицата и ушното подрачје.
Бебето може да го трие лицето или да си го влече увото на страната каде што избива забчето.

 

8. Мала температура

Благо покачување на температурата е можно.
Но висока температура, пролив или продолжено повраќање не се симптоми на првите запчиња и тогаш треба да се консултира лекар.

 

9. Осип околу устата

Од прекумерното плункање, кожата може да стане: црвена, иритирана или со ситен осип.

Добро е да се користи лесна заштитна крема.

 

Кога започнува избивањето на забите?

Најчесто помеѓу 4 и 7 месеци, но потполно е нормално кај некои бебиња да запчињата да избиваат на 3 месеци, а кај други на 10 месеци. Темпото е индивидуално.

 

Како да му помогнете на бебето?

Дајте му ладни глодалки или играчки за гризење. Ладното го смирува воспалението.

Правете нежна масажа на непцата со чист прст или ладна газа.

Повеќе гушкање и нежност. Емоционалната поддршка е важна исто колку и физичката.

Гелови или лекови користете само по препорака од педијатар. Не сите гелови се безбедни за бебиња.

 

Кога да се обратите кај педијатар?

• ако температурата е над 38°C,
• ако бебето не јаде или не пие,
• ако е невообичаено поспано или раздразливо,
• ако има осип што се влошува,
• ако симптомите траат повеќе од неколку дена.

 

Избивањето на запчиња е фаза полна со промени, но и со неверојатен развој. Иако може да биде предизвик за целото семејство, со малку внимание на симптомите и вистинска поддршка, оваа фаза минува побрзо отколку што мислите.

Бебето не плаче „без причина“, неговото мало тело работи напорно. Ваша задача е да му помогнете да ја помине оваа природна, но чувствителна фаза со што повеќе удобност и нежност.