Тоа е местото каде што ги правиме првите чекори, каде што учиме што значи љубов, грижа, трпение и припадност. Семејството е нашиот корен, а од корените црпиме сила за целиот живот.

Вредностите што ги носиме низ животот најчесто се вкоренети во домот од кој доаѓаме, а силното семејство создава силни поединци и здрава заедница.

Семејството не е секогаш совршено, но е местото каде што сме прифатени такви какви што сме. Тоа е нашето засолниште кога светот е суров и потсетник дека никогаш не сме сами. Во семејството учиме да сакаме, да простуваме и да бидеме подобри луѓе.

Денес и секој ден бидете благодарни за вашето семејство, за оние што ве воспитале, што ве поддржале, што верувале во вас дури и кога самите сте се сомневале. Бидете благодарни и за лекциите, за убавите, но и за тешките моменти затоа што сите тие ве направиле тоа што сте денес.

Афирмација за денес:
„Јас сум благодарен/благодарна за моето семејство. Љубовта, вредностите и силата што ги носам во себе доаѓаат од моите корени. Јас создавам хармонија, разбирање и љубов во моето семејство и во мојот живот.“

Негувајте ги семејните врски. Подарете им време, стоплете им го срцето со убав збор, со внимание и љубов. Зашто каде и да одиме во животот, семејството останува коренот од кој растеме.

Ваша Рингераја.