Повредите на главата може да изгледаат безопасно на прв поглед, но понекогаш кријат посериозни состојби. Затоа е важно да се знае како правилно да се реагира додека се чека медицинска помош.

Кога повредата на глава е сериозна?

Внимавајте на следниве знаци:

• губење на свест дури и ако тоа е краткотрајно,
• повраќање,
• силна главоболка,
• конфузија или поспана состојба,
• крварење од нос или уши,
• проблеми со рамнотежата или говорот.

Овие симптоми може да укажуваат на потрес на мозок или посериозна повреда.

Што да направите веднаш?

1. Проверете ја состојбата односно дали лицето е свесно, дали дише нормално и дали реагира на прашања.

2. Смирете го и држете го мирно. Ограничете движење на главата и вратоти поставете го во стабилна положба.

3. Ставете ладна облога на местото на ударот, не директно на кожа.

4. Побарајте медицинска помош ако е потребно особено ако има било кој од алармантните симптоми.

Што не треба да правите?

• Не тресете ја личноста која се повредила.
• Не ? давајте храна или пијалок веднаш.
• Не дозволувајте да заспие без надзор ако има симптоми.
• Не игнорирајте ако ударот бил лесен, а има промени во однесувањето.

Посебно кај деца

Кај децата, симптомите може да се појават и подоцна:

• плач без причина,
• раздразливост,
• поспаност или невообичаено однесување,
• губење интерес за игра.

Кога веднаш да одите на лекар?

Итна помош е потребна ако:

• има губење на свест,
• повраќање повеќе пати,
• се влошува состојбата,
• има силно крварење или оток.

Повредата на глава секогаш треба да се сфати сериозно. Брзата и правилна реакција може да спречи компликации и да спаси здравје.

Кога има сомнеж подобро е да се побара лекарска проценка.