Кога парот се обидува да добие бебе, често се поставува прашањето: дали премногу честите сексуални односи ја намалуваат плодноста или, пак, премалку секс ги намалува шансите за зачнување?

Вистината е дека најважен не е само бројот на односи, туку нивното времетраење и усогласеноста со плодните денови на жената.

Дали премногу секс ја намалува плодноста?

Ова е еден од најчестите митови. Кај повеќето здрави мажи, редовните сексуални односи не ја намалуваат способноста за оплодување.

Всушност, честите односи за време на плодните денови можат да ги зголемат шансите за бременост. Квалитетот на спермата кај повеќето мажи останува добар и при почести односи.

Не постои строго правило колку пати неделно треба да има сексуален однос. 

А што ако сексот е премногу редок?

Премалата зачестеност на сексуални односи може да ја намали веројатноста за зачнување, особено ако се пропушти периодот на овулација.

Затоа се препорачуваат сексуални односи на секои 1 до 2 дена во плодниот период, а да не се создава притисок со строго следење на распоред. 

Интимноста треба да остане природен и пријатен дел од врската.

Кога шансите за бременост се најголеми?

Најплодни се: два до три дена пред овулацијата, денот на самата овулација како и денот непосредно по овулацијата.

Бидејќи сперматозоидите можат да преживеат неколку дена во женскиот организам, односите пред овулацијата често имаат најголема веројатност за успешно зачнување.

Дали притисокот може да влијае?

Кога сексот станува само „обид за бременост“, кај многу парови се појавуваат: стрес, анксиозност, намалена сексуална желба и чувство на разочарување ако бременоста не се случи веднаш.

Затоа е важно да се задржи блискоста и емоционалната поврзаност меѓу партнерите.

Потребен е баланс

Нема совршен број на сексуални односи кога станува збор за зачнување.

Најважно е:

• да ги познавате плодните денови,
• да имате редовни сексуални односи,
• да избегнувате непотребен стрес,
• да се грижите за целокупното репродуктивно здравје.

Ниту премногу, ниту премалку секс не е единствениот фактор што влијае на бременоста. Најголеми шанси за зачнување имаат паровите кои имаат редовни сексуални односи, особено во плодните денови, без притисок и со меѓусебна поддршка.

Бременоста не секогаш се случува веднаш, но трпението, информираноста и здравиот начин на живот се важен дел од патот до посакуваното бебе.