Градите после породувањето, независно од тоа дали доите или не, се соочуваат со промени неколку месеци откако ќе се породите. Овие промени треба да ги очекувате за што подобро да се справите со нив

1. Промени во брадавиците - За време на бременоста, ќе приметите како вашите брадавици стануваат поголеми и потемни како напредувате во бременоста. Кога бебето ќе пристигне, тие ќе бидат најголеми и најтемни. За среќа ќе се вратат во скоро првобитна состојба на изглед после првите неколку месеци. Дури може да приметите и некои издигнатини и нерамнини, но тоа е само дел од лачењето на млеко. И тие нерамнини исчезнуваат откако хормоните се вратат во нормален стадиум.
2. Нови градници - Купување на нови градници додека сте бремени можеби не е најдобрата идеја бидејќи вашите гради се уште се менуваат. Кога вашето млеко ќе надојде, ќе се зголемат уште повеќе. А ако не доите, сепак треба да бидете многу селективни на градниците, предвидувајќи промени. Држете се до растегливи градници без жици за првиот месец два. Оставете ги градите слободни.
3. Нееднакви гради - Понекогаш едната града лачи повеќе млеко од другата или реагира повеќе на хормоните. Ова е небалансирана ситуација кај градите. Но, секако ниту едни гради не се еднакви по природа, некои се поприметливо нееднакви, посебно после породувањето. Може да приметите дека вашата десна страна е помоќен извор на млеко одколку левата и обратно. Може да го контролирате ова со лесно пумпање или ставање на бебето почесто на другата страна за да ја зголемите побарувачката и да надојде повеќе млеко. Со активните жлезди за млеко, сврзните ткива може да се преместат во другата града и ова може директно да влијае на начинот како градите ќе изгледаат откако ќе завршите со доењето.
4. Грутки - не постои нешто како “добра грутка”, но може да има помалку сериозни грутки. Кога сте бремени, вашето тело природно го потиснува имуниот систем за да му помогне на бебето да се развие. Било какви грутки кои ги чувствувате на допир во градите, а не ги препишувате на мастит, треба да се проверат веднаш.

5. Појава на вени - Батеријата или горивото на било кое активно тело е крвта. Со лачењето на млеко доаѓа и зголемување на крвотокот. Вените околу градите ќе се прошират и може да делуваат поблиску до површината на кожата. Ова е сосема нормално и очекувано. Добри вести? Ќе се вратат во нормална состојба откако лачењето на млеко престане.

6. Капки и исдедок - Се надеваме дека сте се подготвиле за “влошки” за вашите гради. Дури и кога не доите, доста е веројатно дека ќе искусите течење на градите. Тие се составени од меко ткиво со деликатна структура на жлезди и цевчести сврзници. Може да искусите капење, кое е несакано испуштање на млекото. Без апсорбирачки влошки, млекото ќе ја натопи вашата маица или чаршавите.

7. Отоци и испукување на градите - Градите реагираат на промените на телото, но некогаш толку многу што стануваат отечени и испукани. Ако искусите ваква состојба, обично сте во првите неколку недели после породувањето. Ако прескокнете хранење или ја смените рутината на доење, вашите гради реагираат со тоа неудобно чувство на преполнетост. Градите се тврди на допир, но не треба да се врели.

8. Смалување и провиснување - Кожата е еластична, што е одлично кога сте бремени и се тегнете за да му овозможите комфорен престој на вашето бебе што расте. Но кожата не се враќа баш целосно на состојбата пред бременоста. Ова важи и за градите. Откако внатрешните делови на градите го стопираат лачењето на млекото, тие се смалуваат во големина и малку менуваат облик. Можеби изгледаат издишано и провиснато, посебно ако не биле многу големи пред бременоста. Може да ги стегнете мускулите под градите за да помогнете, но ако сакате да имате дигнати гради, можеби ќе сакате да побарате добри градници, или да поразговарате со хирург.