Мерење температура кај новороденчиња. Кој е најсигурниот метод? Совети за родители
1.10.2025
Кога имате новороденче, секоја промена во неговото однесување може да предизвика загриженост.
Но, кај бебињата е особено важно мерењето да биде точно и безбедно, бидејќи дури и мала промена може да биде значајна.
Зошто е важно точноста?
Имунолошкиот систем на новороденчињата е сè уште незрел. Поради тоа, температурата може брзо да се менува и да укажува на инфекции или други состојби што бараат внимание. Точното мерење му помага на педијатарот да ја процени ситуацијата и да препорача соодветна грижа.
Методи за мерење температура кај новороденче
- Ректално мерење
- Овој метод е најточен кај бебиња под 3 месеци.
- Се користи дигитален термометар кој нежно се става во ректумот (не повеќе од 1,5-2 см).
- Температура над 38°C се смета за фебрилна и бара консултација со лекар.
- Температура во ушна школка (тимпанален термометар)
- Погоден е да се користи по 3-4 месечна возраст.
- Брз е и безбеден, но понекогаш може да даде неточни резултати ако не е правилно поставен.
- Челни (инфрацрвени) термометри
- Овие термометри сè попопуларни поради тоа што се нежни и ненаметливи.
- Добри се за брз скрининг, но кај новороденчиња не се секогаш прецизни како ректалниот метод.
- Орално мерење
- Не се препорачува кај новороденчиња бидејќи не можат да го држат термометарот безбедно во устата.
Практични совети за родителите
- Секогаш користете дигитален термометар. Живините термометри веќе не се препорачуваат.
- Дезинфицирајте го термометарот пред и по секоја употреба.
- Ако температурата е покачена, следете и други симптоми како поспаност, одбивање храна, отежнато дишење.
- Никогаш не одложувајте јавување кај педијатар ако бебето има висока температура или се однесува необично.
Мерењето температура кај новороденче бара трпение, нежност и правилна техника. Ректалниот метод останува „златен стандард“ за најточни резултати кај најмалите, но комбинацијата со други методи може да помогне за побрза проверка. Секогаш кога ќе се сомневате подобро е да се консултирате со лекар отколку сами да претпоставувате.
