Мајчинството е прекрасно, но и исцрпувачко патување.

Од безбројните ноќни будења, готвењето и чистењето, до постојаните прашања и грижи околу децата, лесно е мајката да се стави себеси на последно место. Но, вистината е дека среќна и одморена мајка значи и посреќно семејство.

Зошто е тешко да се најде време за себе?

• Постојани обврски бидејќи домашните задачи никогаш не завршуваат.
• Чувство на вина. Многу мајки мислат дека „одморот“ е себичност.
• Недостаток на поддршка. Ако партнерот или семејството не се вклучени, времето за себе станува луксуз.

Како да ја намалиш напнатоста и да „украдеш“ момент за себе?

1. Мали ритуали за мир
   Дури и 10 минути наутро со чаша кафе во тишина или вечерна прошетка можат да направат разлика.
2. Планирај го одморот како обврска
   Во календарот резервирај време за себе, исто како состанок или преглед кај лекар.
3. Вклучи ја поддршката од другите
   Партнерот, родителите или пријателите можат да помогнат затоа не двоуми се да побараш помош.
4. Ограничи ја идејата за„совршенство“
   Не мора сè да биде беспрекорно. Понекогаш е поважно да одмориш отколку да исчистиш секоја полица.
5. Пронајди активност што те полни со енергија
   Читање, јога, цртање, слушање музика или едноставно мирна бања.

Зошто тоа не е себичност?

Кога мајката се грижи за себе, таа има повеќе енергија, трпение и љубов за своите деца. Грижата за себе е исто толку важна како грижата за семејството бидејќи тоа е инвестиција во целото домаќинство.

Запомни, одморената мајка не е помалку посветена, туку поподготвена да го даде најдоброто од себе.