Бебињата се многу почувствителни на топлина од возрасните, бидејќи нивниот организам сe уште не ја регулира температурата ефикасно. Затоа, важно е родителите да препознаат знаци дека на бебето му е премногу жешко и да реагираат навреме.

Знаци дека на бебето му е топло

1. Испотена кожа. Ако забележите дека главчето, вратот или грбот му се влажни, тоа е знак на прегревање.
2. Црвенкава или жешка кожа. Кожата може да изгледа розева и да биде топла на допир.
3. Раздразливост и немир. Бебињата често стануваат нервозни и плачливи кога им е непријатно.
4. Забрзано дишење или забрзан пулс. Прегревањето може да предизвика телото да работи побрзо.
5. Поспаност и летаргија. Ако бебето изгледа премногу уморно или поспано, можно е да му е премногу жешко.

Како да му помогнете?

• Облечете го бебето во лесна и природна облека, најдобро памучна.
• Избегнувајте прекумерно покривање со ќебиња.
• Одржувајте пријатна температура во просторијата (околу 22–24°C).
• Давајте му често течности, мајчино млеко или адаптирано млеко, бидејќи бебињата лесно се дехидрираат.
• Избегнувајте директно сонце и секогаш обезбедете сенка при престој на отворено.

Прегревањето кај бебињата може да биде опасно ако не се забележи на време. Затоа е важно родителите редовно да ја проверуваат температурата на кожата и да ги следат сигналите што бебето ги испраќа. Подобро е на бебето да му е малку поладно отколку премногу жешко.