Во животот често тежнееме кон совршенство, но токму грешките се тие што ја носат најголемата мудрост.

Секоја грешка е како учител што тивко ни шепоти: „Еве пат што не te води таму каде што сакаш, избери друг.“ Наместо да се плашиме од нив, можеме да ги гледаме како светилници што нè насочуваат кон подобри избори.

Кога ќе згрешиме, тоа не е крај. Tоа е нов почеток. Тоа е потсетник дека сме луѓе, дека учиме и растеме. И токму преку грешките ја градиме нашата сила, ја откриваме нашата издржливост и ја развиваме нашата емпатија кон другите.

Наместо да се критикуваме себеси за тоа што не сме направиле совршено, можеме да ја прегрнеме својата несовршеност и да прашаме: „Што можам да научам од ова?“ Во тој миг грешката престанува да биде товар и станува дар.

Денес бидете благодарни за сопнувањата и за патеките што ве научиле каде не сакате да одите. Тие моменти не ве дефинираат туку тие ве обликуваат. Благодарноста ќе ви помогне да гледате на секој пад не како неуспех, туку како дел од процесот на вашето издигнување.

Афирмација за денес:
„Ги прегрнувам моите грешки со љубов. Тие ми носат лекции, мудрост и сила за да продолжам понатаму.“

Ви посакувам утро полно со нежност кон себеси и доверба во патот што го одите. Запомнете, секоја грешка е само чекор поблиску до вашата вистинска сила.

Останете нежни кон себеси и запомнете, секоја грешка е само чекор поблиску до вашата сила.

Ваша Рингераја.