Треба ли да јадам пред вежбање – или не? Одговорот не е едноставен, затоа што телото не е машина со еднакви команди. Но постојат неколку јасни принципи што можат да ви помогнат да го најдете најдоброто решение за себе.

Јадење пред вежбање: Зошто (понекогаш) е потребно?

Храната е гориво. Без доволно енергија во системот, телото се чувствува исцрпено, фокусот паѓа, а резултатите се скоро невидливи.

Оброкот може да помогне:

-        Да имате повеќе енергија за време на тренингот

-        Да го заштитите мускулното ткиво од разградување

-        Да спречите пад на шеќер во крвта

-        Да го подобрите фокусот и издржливоста

Особено ако вежбате наутро и не сте јаделе повеќе од 8 часа, мал оброк може да биде разликата меѓу добар и лош тренинг.

 

Кога е подобро да не се јаде пред вежбање?

• Ако имате чувствителен желудник
• Ако правите лесен тренинг (јога, пешачење, истегнување)
• Ако вежбате многу рано, па немате време за дигестија
• Ако следите план со интермитентен пост (и добро ви функционира)

Во тие случаи, телото може да влезе во состојба каде ги користи резервите на енергија што не мора да е лошо, сè додека не се чувствувате слаб или да се јавува вртоглавица.

 

Колку време пред вежбање да се јаде?

• Цел оброк (со јаглехидрати и протеини): 2–3 часа пред тренинг
• Полесен оброк/ужина: 30–60 минути пред тренинг
• Во случај на брз тренинг наутро: 1 банана или неколку урми 10–15 минути пред

Клучно е храната да се свари доволно за да не те тегне, но и да не си празен.

 

Што да се јаде пред тренинг? – Идеи за почетници

-        Јогурт со овес и овошје

-        Банана и лажица путер од кикиритки

-        Парче интегрален леб со авокадо

-        Смути со банана, спанаќ, овес и вода

-        Мал омлет со леб (за попладневни тренинзи)

Избегнувајте тешки, мрсни, пржени јадења или премногу влакна бидејќи тие го успоруваат варењето и можат да предизвикаат надуеност.

 

А што ако сакате да слабеете?

Јадењето пред вежбање може да помогне во согорување на масти, бидејќи:

• Телото има доволно енергија да вежба поефективно
• Помал е ризикот од катаболизам (разградување на мускулите)
• Не чувствувате глад веднаш по вежбањето, па не претерувате со оброкот после тоа.

Колку и да звучи парадоксално, умерен оброк пред тренинг може да го намали вкупниот внес на калории во текот на денот.

 

Слушајте го телото, а не трендовите

Некои тела сакаат тренинг на празен стомак. На други им треба мал и лесен оброк. Најдобриот совет не доаѓа од инфлуенсер, туку од внатрешниот глас што ви вели дали е тоа што ви треба или не.

Редовното движење е клучно. Но квалитетниот тренинг не зависи само од тоа што правиш во салата за вежбање, туку и од тоа како му пристапуваш на телото пред да почнеш.

Затоа, следниот пат пред да вежбате, запрашајте се:
Дали јас сум подготвен? Или телото ми бара гориво?

Одговорот како и изборот е ваш.