Анксиозноста поврзана со предменструалниот синдром (ПМС) и самиот менструален циклус е чест, но често недоволно разбрани феномен.

Хормоналните промени што се случуваат во текот на циклусот можат да влијаат не само на телото, туку и на емоциите, мислите и однесувањето.

 

Што се случува во телото?

Хормоналните флуктуации како промени во нивото на естроген и прогестерон директно влијаат врз мозокот и врз нивото на серотонин хормон на среќата, па може да предизвикаат промени во расположението.

Во лутеалната фаза т.е периодот пред циклусот честопати се јавува зголемена чувствителност, па со тоа телото е подложно на стрес и емоционални реакции.

 

Како се манифестира анксиозноста?

• Психолошки симптоми:

-        чувство на внатрешна напнатост,

-        прекумерно грижење без јасна причина,

-        раздразливост и промени во расположението.

• Физички симптоми:

-        забрзано срцебиење,

-        плитко дишење,

-        напнатост во мускулите.

• Промени во однесувањето и социјалните вештини:

-        повлекување од социјални активности,

-        намалена концентрација,

-        преосетливост на одредени секојдневни ситуации.

 

Зошто се појавува токму пред циклус?

Пред циклусот доаѓа до намалување на естрогенот, а тоа влијае на серотонинот и чувството на стабилност. Исто така се намалува прогестеронот и тоа може да предизвика чувство на немир и несигурност.

Поради зголемената свесност за телесни сензации, секој симптом може да се доживее поинтензивно.

 

Како да си помогнете?

Обидете се со менаџирање на стресот преку: длабоко дишење и техники на релаксација и лесни физички активности како прошетки, јога и слично.

Поддржете го своето тело во овој период преку: редовен сон, балансирана исхрана и ограничување на внес на кофеин и шеќер.

Да не ја занемариме и емоционална грижа. Да прифатиме дека ова е привремена состојба, преку водење дневник за следење на симптоми како и разговор со блиска личност.

 

Кога да побарате стручна помош?

-        Ако анксиозноста значително го нарушува секојдневното функционирање.

-        Ако симптомите се интензивни секој месец.

-        Ако се појавуваат напади на паника или депресивни мисли.

 

Анксиозноста за време на ПМС не е „само во главата“. Таа е реална реакција на телото и хормоните. Разбирањето на сопствениот циклус и сигналите што ги испраќа организмот е првиот чекор кон подобра контрола и поголема емоционална стабилност.