Во текот на бременоста телото на жената минува низ навистина големи промени. Хормоналните флуктуации, чувствителност на мириси, промени во апетит и чести епизоди на утринска мачнина се дел од промените.

Еден од природните начини да се олеснат овие состојби е употребата на ѓумбир кој со векови се користи во традиционалната медицина за смирување на желудник, подобрување на варењето, јакнење на имунитетот и намалување на воспалителни процеси.

 

Иако е силен по вкус, ѓумбирот може многу лесно да се вметне во секојдневните оброци, во напитоци, чаеви и смути, супи и лесни закуски. Најважното е да се користи во умерени количини, со внимание и слушање на сопственото тело.

 

Во продолжение следат 5 едноставни, брзи и вкусни рецепти со ѓумбир, кои се нежни за желудникот и препорачливи за трудниците.

 

1. Чај од ѓумбир и лимон против мачнини

Одличен за утринска мачнина и слаб апетит. 

Состојки:

• 3-4 тенки парчиња свеж ѓумбир
• 1 парче лимон
• 1 лажичка мед (по желба)
• 200 мл топла вода

Подготовка:
Зовријте вода, додадете ги парчињата ѓумбир и оставете да стои 10 минути. Додадете лимон и по желба малку мед. Пијте по малку.

 

2. Смути со банана и ѓумбир

Нежно за желудникот, богато со влакна и калиум. 

Состојки:

• 1 зрела банана
• ½ лажичка свежо рендан ѓумбир
• 1 чаша јогурт или кефир
• 1 лажичка мед

Подготовка:
Изблендирајте ги сите состојки додека не добиете кремаста текстура. Ова смути го чува здравјето на коските и ја одржува рамнотежата на дигестијата.

 

3. Медена паста со ѓумбир за имунитет

Совршена во сезоната на настинки. 

Состојки:

• 1 лажица свежо рендан ѓумбир
• 2 лажици мед
• неколку капки лимон

Подготовка:
Измешајте ги состојките и земајте по ½ лажичка, 1-2 пати дневно.
Не ставајте во врела вода за да не се уништи медот.

 

4. Топла супа со морков и ѓумбир

Лесна, хранлива и смирувачка. 

Состојки:

• 3 моркови
• 1 мал компир
• ½ лажичка рендан свеж ѓумбир
• 1 лажица маслиново масло
• сол по вкус

Подготовка:
Сварете ги морковите и компирот. Изблендирајте ги со малку вода од варењето. Додадете ѓумбир и масло, промешајте и послужете топло.

 

5. Освежувачка вода со ѓумбир и краставица

Хидратација и благ ефект против надуеност. 

Состојки:

• 4-5 тенки парчиња свеж ѓумбир
• 3 кругови краставица
• 1 литар ладна вода
• неколку листови нане (по желба)

Подготовка:
Ставете ги сите состојки во стаклен сад и оставете ги да стојат најмалку 1 час. Пијте во текот на денот.

 

Корисен совет за трудници

Ако имате киселини, ѓумбирот користете го во многу мали количини, бидејќи понекогаш може да ги засили.
Ако вашето бебе е многу активно во стомакот или имате контракции, секогаш консултирајте се со гинеколог пред редовно консумирање на ѓумбир.