Зошто е важна сликовницата за правилен развој на детето?

 

 

Сликовницата е најчесто првата книга со која детето се сретнува и може да биде:

 

-          Без текст, или да содржи слики и текст.

-          Направена од картон, од различни видови на пластика, ткаенина, сунѓер.

-          Различни правилни и неправилни облици - четвртасти, овални, со облик на животни, тродимензионални облици, прикладни за манипулација со раце, на пример на развлекување – хармоника, или со делови во сликовницата кои можат да се отвораат, затвораат, преклопуваат, извлекуваат, допираат.

 

Сликовницата е книга наменета за детето

Сликовницата го учи детето за светот, му помага да ги совлада потешкотиите со кои се среќава

-          Му ги дава на детето основните сознанија за светот кој го опкружува, му овозможува да развива мислење – анализа, синттеза, споредба, воопштување, му помага да ги развие причинско последичните врски меѓу работите и појавите и да дојде до потребните информации.

-          Го развива кај детето литературно – уметничкиот вкус, го збогатува неговиот речник, делува на неговите чувства, влијае на неговиот став и интересирање за книгите и му помага во развивање на љубов кон книгите и читањето.

-          Му помага на детето во решавање на проблематични ситуации. Нејзината содржина може да се поврзи со детските чувства, здравје, хигиенски навики, особини на неговата личност, однеси во семејството и општеството

 

Сликовницата е сигурна за детето

-          Ако одговара на сигурносните мерки за изработка (при изработката не се користени отровни и непостојани бои, нема остри рабови или агли)

 

Сликовницата е квалитетна

-          Ако одговара на педагошките и естетските критериуми на кои влијае текстот, илустраците, опремата и нивната складност.

-          Илустрациите треба да бидат складни во бојата и естетски вредни, реални кога ги објаснуваат поимите, а имагинативни кога збогатуваат некакво доживување

-          Текстот во сликовниците мора да биде јасен, добро осмислен, интересен, граматички и правописно точен.

-          Буквите мора да бидат големи и лесно читливи.

-          Доколку зад нејзиното настанување стојат имиња  на автор, илустратор и други стручни соработници кои учествувале во нејзината изработка, а не само издавач. Доколку е анонимна треба да се сомневате во нејзиниот квалитет.

-          Ако е во согласност со развојот: способностите, знаењата, интересите и потребите на детето на кои оваа сликовница му се дава во раце или му се чита.