Имунитетот кај децата е систем кој постојано се развива, особено во првите години од животот.

Честите настинки и инфекции се нормален дел од растењето, но со правилни навики може значително да се зајакне природната одбрана на организмот и да се намали зачестеноста на болести.

Што претставува имунитетот?

Имунитетот е способност на телото да се бори против бактерии, вируси и други штетни влијанија. Кај децата, овој систем постепено учи како да реагира на различни предизвици, особено при контакт со нови средини како градинка, училиште.

1. Балансирана исхрана

Храната е основа на силен имунитет.Вклучете во исхраната: свежо овошје и зеленчук, протеини како јајца, месо, мешунки, цели зрна, јогурт и ферментирани производи.Особено важни се витамини како витамин C и минерали како цинк, кои помагаат во одбраната на организмот.

2. Доволно сон

Квалитетниот сон е клучен за имунитетот. На бебињата им е потребен сон од 12 до 16 часа, на мали деца од 11 до 14 часа, а пак на оние деца кои одат во училиште потребен им е сон од 9 до 11 часа. Недостатокот на сон може да ја намали отпорноста на инфекции.

3. Физичка активност и игра

Движењето го поттикнува циркулациониот систем и го зајакнува телото.Игра на отворено, трчање, возење велосипед и различни спортски активности се онаа редовна активност која му помага на детскиот имунитет, а придонесува и за подобро расположение.

4. Престој на свеж воздух

Свежиот воздух и природната светлина се важни за здравјето.Сонцето помага во создавање на витамин D кој има важна улога во имунолошкиот систем.

5. Хигиенски навики

Едноставни навики како редовно миење раце, покривање на устата при кашлање и одржување на чиста околина можат да спречат многу инфекции.

6. Избегнување на прекумерна стерилност

Иако хигиената е важна, претераната стерилност може да го ограничи развојот на имунитетот. Контактот со природната средина му помага на телото да учи и да се зајакнува.

7. Емоционална стабилност

Стресот може да влијае и кај децата. Мирна и поддржувачка средина придонесува за подобар имунитет.

8. Редовни лекарски контролиПедијатарот може да даде насоки за  примање на суплементи ако се потребни, вакцинација и следење на развојот.

Зајакнувањето на детскиот имунитет не се постигнува со еден производ или краткорочно решение, туку со комбинација од здрави навики како правилна исхрана, доволно сон, движење и средина исполнета со љубов.Со постепено градење на овие навики, детето ќе развие силен и отпорен организам подготвен да се справи со секојдневните предизвици.