Менструацијата не е само месечен циклус што многу жени го сметаат за непријатност. Таа е и еден од најточните показатели за внатрешното здравје на женскиот организам.

Начинот на кој изгледа, колку трае и како се чувствувате за време на циклусот може да открие многу за хормоните, репродуктивниот систем и општата благосостојба.

1. Редовноста на циклусот

• Редовен циклус (на секои 25-35 дена): знак за хормонална рамнотежа и здраво функционирање на јајниците.
• Нередовни циклуси: може да укажуваат на стрес, синдром на полицистични јајници (PCOS), проблеми со тироидната жлезда или неухранетост.

2. Боја на менструалната крв

• Светло црвена: нормален и здрав проток.
• Темноцрвена или кафеава: често се јавува на почеток или крај на циклусот, но ако трае подолго, може да значи хормонален дисбаланс.
• Розова: може да укаже на ниски нивоа на естроген.
• Многу темна со згрутчувања: понекогаш е нормално, но ако е често и обилно, може да значи ендометриоза или миом.

3. Интензитет на крварењето

• Умерено крварење (3-7 дена): најчест показател за нормален циклус.
• Премногу обилно може да биде знак за хормонални проблеми, миоми или воспаление.
• Премногу слабо може да е последица на хормонален дисбаланс, проблеми со исхрана или силен стрес.

4. Болка за време на менструација

• Благата болка и грчеви се нормална појава кај повеќето жени.
• Интензивни болки што го нарушуваат секојдневието може да укажуваат на ендометриоза или воспаление на јајниците и матката.

5. Симптоми пред и за време на циклусот

• ПМС (раздразливост, чувствителни гради, главоболки), често е нормален, но ако е премногу изразен, може да биде знак за хормонска нерамнотежа.
• Недостаток на циклус (аменореја), секогаш е аларм за медицински преглед. Можни причини се бременост, стрес, слабеење или здравствени состојби поврзани со хормоните.

Твојата менструација е „природен извештај“ од твоето тело. Таа може да ти укаже кога сè е во ред, но и кога е време да побараш медицински совет. Важно е да ја следиш, не само заради удобност, туку и заради сопственото здравје.