Знаеме дека на мајките им должиме неизмерно многу, но истовремено, никој не може да не излуди како нив. Фантастично е што тој однос се менува како растеме и станува се побогат...

1. Мајката е наша негователка

Во првото десетлетие од нашиот живот мајката е наша хранителка и негователка. Но не станува збор само за храна, покрив над главата и парите – најважни се лекциите на кои не учи мајката. Од одење, врзување чевли, основи на пристојност и комуникација, кои се  основни животни вештини, кои не управуват во животот.

2. Таа е наш советник

Во тинејџерските години хормоните беснеат, а жената е заробена меѓу потребата да биде дете за кое се грижи мајката и независен човек кој може се' сам. Како резултат на тоа, борбата со мајката е секојдневие. заради тоа не ни допушта да облечеме она што сакаме? Да се дружиме со кого сакаме? Да излегуваме до колку сакаме? Правилата на мајките произлегуваат од основната грижа за нас, иако не се чувствуваме така.

3. Станува наша совест

Она што некогаш биле правила кон кои сме морале да се придржуваме, некои за чудо се врежале во нашиот мозок, сакале или не. Многу пати тие правила ќе не спречат да направиме некаква глупост, да згрешиме заради инаетењето и игнорирањето на мајчиниот глас во главата “ти реков”. Одеднаш можеме да се најдеме во ситуација како советите на нашата мајка им ги даваме на пријателите, ги изнесуваме како животна мудрост, или сфаќаме дека се претвораме во нашата мајка.

4. На крај – пријателство

Откако и сами во потполност ќе пораснеме, ќе добиеме свои деца, работиме и штедиме за нашето семејство, мајката и понатаму останува некој чие мислење ни значи, но сега на друг начин.  Способни сме да ги согледаме работите од нејзина позиција, да пронајдеме мудрост во советите, поткрепа во проблемите и некој на кој можеме да му се пожалиме без излишно објаснување – никој не се понава толку добро колку мајка и ќерка.