Кратки поучни приказни за подобро отсликување на целите на проектот Прегратка на дар

Во одделението на Марко дојде ново дете. Учителката го стави да седи само на последната клупа, бидејќи на сите клупи седеа по двајца ученици. Кога ѕвончето означи крај на вториот час , сите деца излегоа надвор да ја изедат својата ужинка. Излезе и Филип, новото дете во одделението. Сите деца се собраа во круг и од ранчињата ги извадоа своите сендвичи. Филип стоеше сам настрана и немаше ужинка. Гледаше тажно во групата деца, но му беше срам да им се придружи. Тогаш Марко забележа дека новото другарче е тажно. Му се приближи и му рече:

- Филип, сакаш ли да бидеш мој другар? Филип го гледаше зачудено и со недоверба во очите.

- Те молам, во знак на почеток на ново другарство, дозволи да го поделам мојот сендвич со тебе.

Филип забележа дека Марко има искрени намери и ја зеде половината од сендвичот која Марко упорно му ја нудеше. На неговото лице се појави широка насмевка бидејќи доби нов другар.

Заклучок од приказната: Нема да изгубиш ништо ако ја поделиш својата ужинка. Можеш само да добиеш ново другарче.