За некои родители зеленчукот и неговата употреба во менито на детето е непресушен извор на фрустрации. Кога децата не сакаат да јадат ништо зелено, жолто или црвено, замаскирајте го!

Потребни состојки

- 500 гр. говедско месо

- 1 парче леб ситно издробено

- 2 лажици млеко

- 1 мала главица кромид

- 15 гр. путер

- 150 гр. спанаќ

- 1/2 лажиче сол

- бибер по вкус

За сервирање

Лепиња

Начин на подготовка

Во помал сад ситно издробете го лебот и натопете го со млеко. Промешајте добро да се добие изедначена смеса.

Кромидот ситно исечкајте го и ставете го во тава на оган, со путер додека не омекне. Оставете го да се излади.

Во подлабок сад ставете го натопениот леб, кромидот и останатите состојки. Измешајте со раце.

Од добиената маса направете плескавици.

Испржете ги во тава и сервирајте со лепиња.

Наздравје!