Поезија од Кети Николоска

Направи белег со твојата рака,

стави ја на срцето мое,

почувствувај го ритмот животен,

ќе дознаеш љубов што е.

 

Подадената рака твоја

има намера кристално чиста,

во очиве мои погледни,

јас никогаш не ќе сум иста.

 

Ја подадов раката своја,

ја ставив на срцето твое,

го почувствував ритмот животен

дознав љубов што е.

 

Подадената рака моја

има намера кристално чиста,

во очи твои погледнав ,

имаш намера како мојата иста.

 

Се сретнаа нашите погледи,

немаше потреба од зборови кажани,

белезите на нашите срца,

останаа за на век врежани.

 

Кети Николоска