Бременоста е период на радост, но и на огромни промени физички, хормонални и емоционални. Иако телото на жената ја носи бременоста, таа никогаш не треба да се чувствува како да е сама во процесот.

Поддршката од партнерот не е луксуз, туку потреба. Но што навистина значи да и бидете поддршка?

1. Да нè слуша без да нè „поправа“

Понекогаш трудницата не бара решение, туку разбирање.
Стравовите, несигурноста, промените во расположението бараат простор за разговор, а не за рационализирање.

Да кажете „Те разбирам“ често вреди повеќе од „Не се грижи“.

2. Да биде информиран, не пасивен набљудувач

Поддршка значи партнерот да: се образува за бременоста, знае што се случува по триместри и да разбира зошто бремената жена чувствува замор, болки или промени во расположението

Кога партнерот е информиран, жената не мора постојано да објаснува или да се правда.

3. Да биде присутен на прегледи кога е можно

Дури и ако не зборува многу, присуството носи сигурност.
За трудницата тоа значи дека не е сама и дека ова го минувате заедно.

4. Да помогне со секојдневните обврски без да се смета за услуга

Домашните задачи, купувањето, грижата за постарите деца ова не се „помош“, туку заедничка одговорност. Бременото тело троши огромна енергија, дури и кога жената „само седи“.

5. Да ја поддржи емоционално, дури и кога не разбира сè

Хормоните носат солзи без очигледна причина, промени во апетитот, страв од иднината.
Поддршката значи: трпение, нежност и прифаќање

Не мора да разбере сè доволно е да биде тука.

6. Да ја потврди нејзината женственост и убавина

Телото се менува. Самодовербата често се ниша. Еден комплимент, еден поглед, еден допир прават огромна разлика.

Бременоста не ја одзема привлечноста на жената само ја менува.

7. Да зборува за стравовите и своите, не само нејзините

И партнерите имаат стравови од породувањето, од одговорноста, од иднината. Кога тие стравови се споделуваат, врската се зајакнува.

8. Да учествува во подготовките за бебето

Избор на име, облека, креветче, торба за болница се мали чекори кои градат чувство на заедништво и го намалуваат товарот од жената.

9. Да биде уште поголема поддршка и по породувањето

Поддршката не завршува со раѓањето. Првите денови по породувањето се чувствителни, емотивни и физички напорни.
Партнерот е клучна фигура за: закрепнување на жената, враќање на нејзината самодоверба и поддршка на менталното здравје

Вистинската поддршка во бременоста не се мери со големи еднократни гестови, туку со секојдневно присуство, разбирање и грижа.

Кога партнерот е навистина вклучен, бременоста не е тежок товар туку заедничко патување што ги поврзува уште повеќе.