Боли постојано, боли и не престанува...

 

Неплодноста боли...

Кога ги гледаме среќните мајки како се смеат додека купуваат облека за своите бебиња.

Во паркот додека седиме на клупа и гледаме натажено во смеата и играта на децата.

Во автобус додека одиме на работа.

Боли и додека пријателките им ги мијат на дечињата извалканите рачиња.

Додека гледаме слика од детето на бирото кај колешката.

Боли кога има детска емисија на ТВ.

Боли кога одиме во црква.

Дури и кога сонуваме чувствуваме болка.

Болката е тука и овој Божиќ.

Боли додека поминува уште една година од бракот.

И уште еден Велигден помина, а штркот не ни донесе бебе.

А како само боли кога внукот ќе ме праша кога ќе му родам братучед...

Кога гледате една црта на тестот секој месец и секоја година.

Боли постојано, боли и не престанува...