Микробиомот е заедницата на микроорганизми, бактерии, вируси и габи кои живеат во телото и играат клучна улога во развојот на имунолошкиот систем, варењето на храната и општото здравје.

Кај новороденчињата, начинот на породување има значително влијание врз тоа кои бактерии ќе ги „населат“ телото на бебето првиот пат.

Вагинално породување

Кога бебето поминува низ вагината, тоа природно се изложува на мајчините вагинални и цревни бактерии. Оваа микробна колонизација го продолжува развојот на имунолошкиот систем и го подготвува организмот за контакт со околината.

Карактеристики на микробиомот:

• висока застапеност на Lactobacillus и Bifidobacterium,
• побогата и поразновидна бактериолошка колонизација од самиот почеток,
• подобро формирање на имунолошкиот систем.

Истражувањата покажуваат дека децата родени вагинално имаат поголема отпорност на одредени инфекции и алергии во првите години од животот.

Царски рез

Бебињата родени со царски рез не поминуваат низ вагиналниот канал и затоа првите микроорганизми што ги добиваат потекнуваат главно од кожата на мајката и средината. Ова води до различен тип на микробиом во првите месеци.

Карактеристики на микробиомот:

• доминација на бактерии како Staphylococcus и Corynebacterium,
• пониска разновидност на бактериски видови,
• побавен развој на цревната микрофлора.

Некои студии сугерираат дека ова може привремено да ја зголеми подложноста на инфекции, алергии и проблеми со варењето на храната, особено ако бебето не е доено.

Како можат мајките да помогнат?

Без разлика на начинот на породување, постојат начини за поддршка на здравиот микробиом кај бебињата:

1. Доење. Мајчиното млеко содржи пробиотици и пребактерии кои го поттикнуваат развојот на цревната флора.
2. Контакт кожа на кожа. Овој контакт ја пренесува природната микрофлора на мајката на бебето.
3. Нежна и чиста околина. Избегнување на прекумерна стерилизациј бидејќи умереното изложување на околината помага во создавање на разновиден микробиом.

Начинот на породување ги создава први колонии на бактерии во телото на бебето, но тоа не ја определува трајната здравствена судбина. Доенето, контактот со мајката и здрава средина можат значително да ги намалат разликите и да го поттикнат правилниот развој на микробиомот.