Мама - вечно ненаспана
25.6.2021
Си мислев децава кога беа мали дека кога ќе потпораснат нема да стануваат преку ноќ како бебиња,така и јас ќе си се наспијам. Е, не било така!
Сите знаеме зошто се будат бебињата. Или затоа што е гладно, или поради полна пелена, скок во развој или затоа што уште не разликуваат што е ден што е ноќ.
Бебињата од 6 до 12 месеци најчесто се будат поради болките од појавата на забчињата, од возбуда - доколку детето играло до доцна или преку ден се среќавало со многу луѓе и поради навиката за пиење млеко, сокче, вода.
Овие навики и причини за будење се сретнуваат и кај деца од 1 до 3 години. Тие исто така се будат затоа што се многу повеќе свесни и се будат поради страв од темница, да на ги остават тато и мама сами, детски кошмари, никнување на заби катници, користење на телефони и таблети пред спиење, будење за мочкање.
Сега почнувам да верувам и на тоа што ми го кажуваа повозрасните, дека кога ќе станат полнолетни пак нема да можам да спијам.
