Љубовта што ја учат децата. Како родителите несвесно ги учат децата да сакаат на погрешен начин?
8.9.2025
Секој родител сака неговото дете да расте со чувство на љубов и сигурност. Но, понекогаш без да сме свесни начинот на кој покажуваме љубов, грижа или дисциплина може да испрати погрешна порака.
Деца и љубов
Таа порака, пак, децата ја носат со себе и како возрасни ја репродуцираат во своите врски.
Каде започнува учењето за љубов?
За детето, првиот модел за тоа што значи љубов и близина се родителите. Од нив учи: како изгледа грижата, како се изразуваат емоциите, што значи доверба, дали љубовта има услови или е безусловна.
Несвесни грешки што испраќаат погрешни пораки
- Љубов врзана за услови
- „Ќе те сакам ако си добар/а.“
- Детето учи дека љубовта мора да се заслужи, а тоа води кон постојана потреба за докажување во иднината.
- Занемарување на емоциите
- „Не плачи, тоа не е ништо.“
- Пораката е дека чувствата не се важни, па детето може да расте со потешкотии во изразување емоции.
- Претерана контрола
- Родителот секогаш знае „најдобро“, без да му даде простор на детето за избор.
- Детето учи дека љубовта значи губење на слобода, што во возрасните врски може да се манифестира како потчинетост или бунт.
- Прекумерна жртва
- Ако мајката или таткото постојано се жртвуваат и велат: „Сè правам за тебе,“ детето учи дека љубовта е тежина и обврска, наместо радост и партнерство.
- Недостаток на афекција
- Ретки прегратки, недостаток од топли зборови.
- Детето може да научи дека љубовта не се изразува, што како возрасен го прави резервирано и ладно.
Како да им покажеме здрава љубов?
- Безусловно прифаќање. „Те сакам таков/а каков/а што си, дури и кога грешиш.“
- Признавање на емоциите. Наместо да ги игнорираме, да им помогнеме да ги именуваат: „Гледам дека си тажен/а, тоа е во ред.“
- Баланс помеѓу границите и слободата. Правилата се потребни, но и просторот за личен избор.
- Здрав модел на љубов. Родителите преку својот меѓусебен однос и односот кон другите покажуваат како изгледа почит и топлина.
- Редовен афективен контакт преку прегратки, бакнежи, зборови на охрабрување.
Децата учат да сакаат преку нас родителите. Несвесно можеме да им пренесеме поими што ќе им го отежнат патот до здрави и среќни врски. Но, со повеќе внимание, свесност и искреност, можеме да им покажеме дека љубовта не е товар, ниту услов, туку најубавиот израз на блискост и прифаќање.
