Бременоста носи различни потреби во секој триместар. Не постои совршена рутина, но неколку едноставни навики можат да помогнат да се грижите за себе и за бебето во текот на целата бременост.

Во првиот триместар бидете нежно кон себе

Во првите недели телото се приспособува на големите хормонални промени.

-          Јадете разновидна храна со тоа што ќе вклучите зеленчук, овошје, интегрални житарки, мешунки, протеини и здрави масти.

-          Земајте фолна киселина според препораката на лекарот. За повеќето жени се препорачуваат 400 микрограми дневно пред зачнувањето и во првите 12 недели.

-          Пијте доволно течности, особено ако имате мачнини или повраќање.

-          Одморајте кога ви треба. Заморот е чест во првиот триместар.

-          Избегнувајте пушење и внес на алкохол.

 

Вториот триместар посветете го и на движење и рамнотежа

Кај многу жени енергијата се подобрува во вториот триместар.

-          Останете физички активни, доколку бременоста е некомплицирана и лекарот не ви препорачал ограничување.

-          Обрнете внимание на калциумот, железото, протеините и другите хранливи материи.

-          Негувајте го менталното здравје. Прошетка, релаксација, дишење или разговор со блиска личност можат да помогнат.

-          Одете на редовните прегледи и направете ги препорачаните скрининзи.

-          Следете ги движењата на бебето кога ќе почнете редовно да ги чувствувате. Важно е да го запознаете вообичаениот образец на движења.

 

Трет триместар посветен на подготовка и повеќе одмор

Како што расте бебето, може да се појават поголем замор, отежнато движење, горушица или оток.

-          Давајте си повеќе време за одмор.

-          Продолжете со безбедно движење според вашите можности и советот од лекарот.

-          Јадете редовно и храна богата со влакна, особено ако имате запек.

-          Не го занемарувајте внесот на течности бидејќи добрата хидратација е важна во бременоста.

-          Подгответе ја торбата за породилиште и размислете за практичните детали околу породувањето.

-          Информирајте се за породувањето, доењето и грижата за новороденчето, но избегнувајте да се оптоварувате со потребата сè да биде совршено.

 

Во сите три триместри

Неколку навики остануваат важни во текот на целата бременост како што се:

• разновидна и хранлива исхрана,
• внес на доволно течности,
• без пушење,
• избегнување внес на алкохол,
• умерен внес на кофеин,
• доволно одмор,
• соодветна физичка активност,
• редовни пренатални контроли,
• земање суплементи и лекови само според совет од лекар,
• добра хигиена и безбедно ракување со храната,
• грижа за менталното здравје.

 

Слушајте го телото, но не се плашете од секоја промена

Некои непријатности се нормални во бременоста, но силна болка, вагинално крвавење, истекување плодова вода, отежнато дишење, силна главоболка со нарушувања на видот или значително намалување на движењата на бебето бараат медицинска проценка.

 

Целта е да создадете одржливи навики што ве поддржуваат од првите недели, преку растењето на бебето, па сè до породувањето.