Инспиративна приказна за великодушноста

Еден човек умрел и отишол на небо.

Ангелите му рекле:”Ќе те одведеме во рајот, но прво да ти го покажеме пеколот”

Го одвеле на место со огромен сад преполн со секаква храна. Околу садот се собрале гладни и јадни луѓе. Секои од нив имале лажица долга три метра. Храната можеле да ја дофатат, но заради должината на лажицата не можеле да ја принесат до устата. И така, овие патетични луѓе гладувале и покрај изобилството на храна.

Потоа ангелите го одвеле во рајот.

На негово изненадување, ја здогледал истата сцена. Гигантски сад со храна и луѓе со лажици долги по три метри. Само што овие луѓе се задоволни, среќни, насмеани и здрави.

“Зошто? Во што е разликата овие луѓе да бидат среќни и сити, а другите да гладуваат?”, ги праша ангелите.

“Зар не гледаш?”, го прашаа.

Кога внимателно погледнал забележал дека секој го храни секого со лажицата.

“Овде луѓето се хранат едни со други. Тие се среќни и задоволни бидејќи научиле да даваат еден на друг”