Децата исто како и возрасните се изложени на стрес и затоа пожелно е навреме да учат како да се справуваат со него. Рингераја во соработка со „Ксантика“ организира бесплатни забавни и едукативни вежби за дечињата од домот „11. Октомври“.

Јогата за деца е забавна и едукативна програма која што ја водат професионалци.

Вежбите се прилагодени според возраста и лесно се изведуваат. Јога позициите им помагаат на децата ментално и физички правилно да се развиваат, да ја зголемат нивната концентрација и самодоверба и секако да можат успешно да ја креираат нивната иднина.

Во Македонија вакви вежби за деца од 3 до 10 години, водени од професионалци се одржуваат секоја среда од 16 до 17 часот во „Ксантика“.

Рингераја во соработка со „Ксантика“ подготвува бесплатни забавни и едукативни вежби за дечињата од домот за деца без родителска грижа „11. Октомври“. На 10. Јуни  ќе го посетиме домот „11. Октомври“, ќе се подружиме со дечињата и ќе ги запознаеме со нашите пријатели од „Ксантика“. Во следниот период дечињата ќе имаат можност да се забавуваат и едуцираат бесплатно со програмата која професионално и специјално за нив ја подготвија нашите соработници од „Ксантика“.

Рингераја продолжува заедно со нашите пријатели да биде дел од животот на дечињата од домот „11. Октомври“.