Исхраната за време на бременоста не е диета, ниту „јадење за двајца“, туку свесен избор на храна што го поддржува здравјето на мајката и правилниот развој на бебето.

Балансираната исхрана може да ги намали компликациите, да го подобри нивото на енергија и да придонесе за полесна бременост.

Клучни принципи на здрава исхрана во бременост:

-        консумирање на разновидна храна,

-        практикување редовни оброци,

-        квалитетот на внесената храна е пред количината која ја внесувате,

-        хидратација преку доволен внес на вода.

Телото има зголемени потреби, но не и за празни калории.

Најважни нутриенти и каде да ги најдете

Фолна киселина која е клучна за развојот на нервниот систем. Ќе ја најдете во: зелен лиснат зеленчук, мешунки, интегрални житарки. Често се препорачува и како суплемент.

Протеините се потребни за растот на ткивата и органите. Ќе ги најдете во: јајца, риба со низок процент на жива, пилешко и мисиркино месо, леќа, грав, наут и друго. 

Железо е потребно за спречување на анемија и замор. Се наоѓа во: црвено месо, спанаќ, семки, суво овошје. Комбинирајте го со витамин Ц за подобра апсорпција.

Калциумот и витаминот Д се за за здрави коски и заби. Ги има во: млекото и млечните производи, јогуртот, сирењето, јајцата, сончевата светлина.

Омега-3 масни киселини се важни за развојот на мозокот. Ќе ги најдете во: лосос, сардини, ореви, ленено семе.

Храна што е препорачливо да се избегнува:

-        сурово или недоволно термички обработено месо,

-        сурови јајца,

-        непастеризирани млечни производи,

-        риби со висока содржина на жива,

-        прекумерен кофеин,

-        алкохол.

Овие намирници носат ризик од инфекции или развојни проблеми.

Како да се справите со гадење и промени во апетитот?

-        Јадете почесто, но помали оброци.

-        Избегнувајте тешка и мрсна храна.

-        Внесувајте доволно течности.

-        Слушајте го своето телото, но одржувајте баланс.

Дали се потребни суплементи?

Во многу случаи, да,  но само по препорака од лекар. Суплементите не ја заменуваат храната, туку ја дополнуваат.

Здравата исхрана во бременоста е инвестиција во иднината. Со правилни избори денес, создавате основа за здраво бебе и подобро сопствено чувство утре.