Француските научници пронајдоа брз начин да создадат кожа од матични клетки, што би можело да ги спаси животите на огромен број жртви на изгореници, кои се подложни на инфекции и во моментов се принудени да чекаат со недели на трансплантат од кожа.

Откритието беше постигнато, по пат на создавање парче човечка кожа на грбот од стаорец, со помош на матични клетки.

Трансплантатите од кожа вообичаено беа создавани од клеточни култури, земени од пациентот. Овој процес трае три недели, што е премногу долго за пациенти со обемни изгореници. Новата метода која користи матични клетки, им нуди на болниците можност да „нарачаат“ човечка кожа, веднаш штом примат пациент со изгореници.

„Нашите откритија нудат брзо решение за да се препокријат изгорените површини со епидермис(слој на кожа), за време на ризичниот период од три недели. Епидермисот се создава во лабораторија и се праќа да болницата веднаш по прием на пациент со тешки опекотини,“ изјави Марк Пешански, истражувачкиот директор на Институтот I-Stem за Ројтерс телевизија.